(مانیٹرنگ ڈیسک) سپریم کورٹ آف پاکستان نے رہائشی پلاٹ کی کمرشل منتقلی سے متعلق کیس میں ماحولیاتی تبدیلی کو شہری علاقوں کے لیے بڑا چیلنج قرار دے دیا۔
سپریم کورٹ نے رہائشی پلاٹ کی کمرشل منتقلی سے متعلق کیس میں سی ڈی اےکو پلاننگ اور پالیسی سازی میں موسمیاتی تبدیلی کے اثرات کو مدنظر رکھنےکاحکم دیتے ہوئے کہا کہ اربن ڈویلپمنٹ پلاننگ کے لیے موسمیاتی تبدیلی کو مدنظر رکھنا ہو گا۔
عدالت عظمیٰ نے مزید کہا کہ موسمیاتی تبدیلی شہریوں کو ان کے گھروں سے بھی محروم کر سکتی ہے، پاکستان موسمیاتی تبدیلیوں سےشدید متاثر ہونے والا ملک ہے لہذا انفراسٹرکچر اتنامضبوط ہونا چاہیےکہ شدید بارش، سیلاب اور زلزلے برداشت کر سکے۔
سپریم کورٹ نے یہ ریماکس بھی دیئے کہ معیشت اور سکیورٹی کا انحصار انفرا اسٹرکچر سسٹم پر منحصر ہے، موسمیاتی تبدیلی کے اثرات پر آنکھیں بندکرنے سے بنیادی اقدار برقرار رکھنا ناممکن ہو گا۔