ملازمین کی موجیں، عیدالاضحیٰ پر دو نہیں تین نہیں پوری 9 چھٹیاں

ماںیٹرنگ ڈیسک: سرکاری ملازمین کی  لمبی چھٹیاں، عیدالاضحی پر ایک نہیں دو نہیں بلکہ پوری نو چھٹیا ں ہوں گی۔ جائے تعیناتی سے دوررہنے والوں کے مزے ہی مزے۔
ذرائع کے مطابق بڑے شہروں سے باہر تعینات  سرکاری ملازمین 17 جولائی بروزہفتہ سے اپنے آبائی علاقوں کو روانہ ہوجائیں گے 18   جولائی کو اتوار کی چھٹی، 20 جولائی کو حج کی چھٹی، 21, 22 اور23 کو عید کی چھٹیاں ہوں گی۔
اسی طرح 24 اور25 جولائی کو ہفتہ اور اتوار کی چھٹیاں ہو نگی۔تعطیلات سے زیادہ لطف اندوز وہ  سرکاری ملازم ہوں گے جن کے آبائی علاقے ان کی تعیناتی کی جگہ سے دور ہیں وہ اپنی فیملی کے ساتھ مکمل ایک ہفتہ گزاریں گے۔ کیلنڈر کے مطابق  17 جولائی ہفتہ کو ہفتہ وار تعطیل سے تعطیلات کا آغاز ہو جائے گا اورشہریوں کو 17 جولائی سے 25 جولائی تک عید کی 9 تعطیلات مل جائیں گی۔