ویب ڈیسک: شہزادہ ولیم کا کیتھرین (کیٹ میڈلٹن) کی 43 ویں سالگرہ پر ایک خصوصی پیغام جاری کرتےہوئے انہیں بہترین ماں اور شریکِ حیات قرار دے دیا۔
شہزادہ ولیم نے سوشل میڈیا ایکس (سابقہ ٹوئٹر) پر ایک ٹوئٹ کیا، جس میں انہوں نے کیٹ میڈلٹن کی تعریف کرتے ہوئے کہا کہ "اس کے نام جو بہترین شریکِ حیات اور ماں ہے، گزشتہ سال آپ نے جو ہمت دکھائی وہ قابلِ تعریف ہے، مجھے آپ پر فخر ہے، سالگرہ مبارک ہو کیتھرین، جارج، شارولیٹ، لوئس اور میں، ہم آپ سے محبت کرتے ہیں۔
"اس پیغام کے ساتھ شہزادہ ولیم نے کیٹ میڈلٹن کی ایک خوبصورت بلیک اینڈ وائٹ تصویر بھی پوسٹ کی۔
یاد رہے کہ کیٹ میڈلٹن اور شہزادہ ولیم کی شادی 2011ء میں ہوئی تھی۔
2024ء کے آغاز میں کیٹ میڈلٹن کو کینسر کی تشخیص ہوئی تھی، جس کے بعد انہوں نے سماجی تقریبات میں شرکت سے گریز کیا تھا تاہم وہ گزشتہ سال اکتوبر میں کینسر سے صحت یابی کے بعد منظرِ عام پر آئیں، جب وہ شمال مغربی انگلینڈ میں 3 بچوں کے سوگوار خاندان سے ملنے گئی تھیں۔
شہزادہ ولیم نے اپنے پیغام میں نہ صرف کیٹ میڈلٹن کی ہمت اور قربانیوں کی تعریف کی بلکہ انہیں اپنے بچوں کے لیے بہترین ماں اور اپنے لیے بہترین شریکِ حیات بھی قرار دیا۔