ویب ڈیسک: وہ کون سے ممالک ہیں جہاں پاکستانی شہری بغیر ویزا یا ویزا آن ارائیول کے ذریعے سفر کر سکتے ہیں۔

ہینلے پاسپورٹ انڈیکس کے مطابق، پاکستانی پاسپورٹ دنیا بھر میں 103ویں نمبر پر ہے۔ یہ رینک یمن کے ساتھ شیئر کیا گیا ہے۔ لیکن اچھی خبر یہ ہے کہ پاکستانی شہری 33 ممالک میں بغیر ویزا یا ویزا آن ارائیول کے سفر کر سکتے ہیں۔

 یہ ہیں وہ 33 ممالک جہاں آپ بغیر ویزا کے یا ویزا آن ارائیول کے ساتھ جا سکتے ہیں، اس ممالک میں بارباڈوس، برونڈی، کمبوڈیا، کیپ ورڈی آئس لینڈز، کوموروز آئس لینڈز، کُک آئس لینڈز، جبوتی، ڈومینیکا، گنی بساؤ، ہیٹی، مالدیپ، موریطانیہ، مائیکرونیشیا، مونٹسریٹ، موزمبیق، کینیا، مڈغاسکر شامل ہیں۔

علاوہ ازیں نیپال، نیو، پلاؤ آئس لینڈز، قطر، روانڈا، ساموا، سینیگال، سیشلز، سیرا لیون، صومالیہ، سری لنکا، سینٹ ونسنٹ اینڈ دی گرینیڈینز، تِمُور لیسٹے، ٹرینیڈاڈ اینڈ ٹوباگو،تووالو اور وانوآتو شامل ہیں۔

یہ ممالک پاکستانی شہریوں کو سیاحت، کاروبار، اور دیگر مقاصد کے لیے بہترین مواقع فراہم کرتے ہیں۔

 لیکن یہ حقیقت بھی ہے کہ پاکستانی پاسپورٹ کی عالمی درجہ بندی میں ابھی بھی بہتری کی ضرورت ہے۔ حکومت مسلسل کوشش کر رہی ہے کہ مزید ممالک کے ساتھ ویزا معاہدے کیے جائیں تاکہ پاکستانیوں کے لیے عالمی سفر آسان ہو سکے۔