(زین مدنی)معروف اداکار ریمبو اور صاحبہ نے ایم ایم عالم روڈ پر صاحباز سگنیچرسیلون بنا لیا،سیلون کی لانچنگ تقریب میں اداکارہ ریما خان، میرا، وارث بیگ ، سلیم شیخ سمیت کرکٹر محمد حفیظ نے بھی شرکت کی۔
تفصیلات کے مطابق شوبز کی معروف جوڑی ریمبو اور صاحبہ کے صاحباز سیلون کی لانچنگ تقریب میں اداکارہ ریما خان، میرا،وارث بیگ،سلیم شیخ، وصی شاہ، ماڈل ریچل گل سمیت اداکارہ زارا شیخ اور کرکٹر محمد حفیظ نے بھی شرکت کی، اس موقع پر فنکاروں کا کہنا تھا کہ صاحبہ کا یہ سیلون کامیاب ہوگا کیونکہ وہ خود بہت اچھا میک اپ کرتی ہیں۔
اداکارہ صاحبہ کا کہنا تھا کہ انہوں نے سب بڑے میک آرٹسٹس سے میک اپ سیکھا ہے اور انہی کے نقش قدم پر چلیں گی لیکن کسی سے کوئی مقابلہ نہیں کریں گی،لانچنگ تقریب کے موقع پر صاحبہ نے ماڈلز کا میک اپ کیا اور کیٹ واک کا اہتمام بھی کیا گیا،ریمبو اور صاحبہ کے سیلون پرآکر جہاں فنکاروں نے خوشی کا اظہار کیا وہیں ایک عرصہ بعد اکٹھے مل بیٹھ کر خوب ہلہ گلہ بھی کیا ۔