( زین مدنی ) لالی وڈ انڈسٹری کی 2020 میں ریلیز ہونے والی پہلی فلم ” میڈیم پرابلم “ کو سنسر بورڈ نے پاس کردیا۔ فلم 14 فروری کو نمائش کے لئے پیش کی جائے گی۔
لالی وڈ انڈسٹری کی سال 2020 میں ریلیز ہونے والی پہلی فلم میڈیم پرابلم کو پنجاب فلم سنسر بورڈ سمیت دیگر سنسر بورڈز نے دیکھنے کے بعد عام نمائش کے لئے پاس کردیا ہے۔ کامیڈی اور رومانس سے بھروپر فلم کی کاسٹ میں اداکار ارباز خان، قیصر بلوچ ، شہروز قریشی، رفعت المنتیٰ، حنا خان اور ماروی سمیت دیگر فنکار شامل ہیں۔
فلم کے ہدایت کار شاہ رخ انجم اور فلم کا میوزک عابد علی نمبو نے ترتیب دیا ہے۔ فلم کی عکس بندی دبئی، امریکہ اور پاکستان میں کی گئی ہے۔
فلم 14 فروری کو شہر لاہور سمیت ملک بھر میں نمائش کے لئے پیش کی جائے گی۔