(مانیٹرنگ ڈیسک) سندھ کے شہر خیرپور میں آوارہ کتوں نے گلی میں جاتی دو کمسن بہنوں پر حملہ کردیا،کتوں کے حملے میں تین ماہ کی بچی جان سے ہاتھ دھو بیٹھی۔

تفصیلات کے مطابق  خیرپورکی تحصیل گمبٹ کے نواحی علاقے کمال دیرو میں 8 سالہ نور جہاں اپنی تین ماہ کی بہن کو گود میں لے کر راستے سے جارہی تھی کہ کتوں نے حملہ کردیا، نور جہاں نے خود کے ساتھ ،ساتھ تین ماہ کی بہن کو بچانے کی کوشش کی مگر ناکام رہی اور کتوں نے کمسن معصوم بچی کو کاٹ کھایا، بچی کی لاش کو پوسٹ مارٹم کیلئے گمس ہسپتال گمبٹ منتقل کر دیا۔