تنخواہوں میں 15 فیصد اضافہ پر مبارک،  فواد چودھری کا ٹویٹ

 ویب ڈیسک :  وفاقی وزیر اطلاعات فواد چودھری کی طرف سے سرکاری ملازمین کی  تنخواہوں میں 15 فیصد مزید اضافہ کا خیر مقدم ۔۔۔  وفاقی وزیر کا کہنا تھا کہ ملک میں معیشت اپنے پاؤں پر کھڑی ہورہی ہے انشا اللہ ایک سال کے اندراندر آمدنیوں میں مزید اضافہ ہوگا۔

 رپورٹ کے مطابق وفاقی وزیراطلاعات کی طرف سے سوشل میڈیا پر کی جانے والی ٹویٹ میں کہا گیا ہے کہ عمران خان پاکستان کو اسلامی فلاحی مملکت بنا رہے ہیں اور تمام اقدامات اسی منشور کو سامنے رکھ کر لئے جا رہے ہیں۔ وفاقی وزیر کا کا مزید کہنا تھا کہ صحت کارڈ کے بعد تنخواہوں میں 15 فیصد مزید اضافہ اس امر کا ثبوت ہے کہ معیشت اپنے پاؤں پر کھڑی ہو رہی ہے۔

‏ دریں اثنا کابینہ کے دس وزارتوں کو بہترین کارکردگی پر مبارکباد دیتے ہوئے وفاقی وزیر اطلاعات فواد چودھری کا کہنا تھا کہ  ہم اس بار اس لئے جگہ نہیں بنا سکے کہ کارکردگی ان پراجیکٹس پر عملدرآمد سے جانچی جاتی ہے جو وزارت وزیراعظم آفس کو دیتی ہے۔ کچھ منصوبوں میں ردوبدل کیا ہے جو اگلی دفعہ زیادہ سود مند ہوں گے، انشاللہ۔