(عیشہ خان) گلشن راوی میں اورنج لائن ٹرین کے سٹیشن پر تعمیراتی کام کے دوران کرنٹ لگنے سے ایک مزدور جاں بحق جبکہ دوسرا شدید زخمی ہو گیا۔
تفصیلات کے مطابق گلشن راوی میں اورنج لائن ٹرین کے سٹیشن پر مزدور لوہے کا پول دوسری طرف لے جا رہے تھے کہ پول بجلی کی ہائی وولٹیج کی تار سے ٹکرا گیا۔ جس کے نتیجے میں کرنٹ لگنے سے ایک مزدور بلال موقع پر جاں بحق جبکہ دوسرا مزدور ریاض زخمی ہو گیا۔ حادثے کی اطلاع ملنے پر ریسکیو اہلکار موقع پر پہنچ گئے اور زخمی ہونے والے مزدور کو ہسپتال جبکہ بلال کی لاش کو مردہ خانے منتقل کر دیا۔