(ویب ڈیسک)رائیونڈ روڈ پر پولیس اہلکار اشتہاری ملزمان کی فائرنگ سے زخمی ہوگیا۔تھانہ سندر میں تعینات کانسٹیبل عظمت علی کو دائیں ٹانگ پر گولی لگی۔ زخمی کانسٹیبل کو طبی امداد کیلئے جناح ہسپتال منتقل کر دیا۔
رائیونڈ روڈ پر سندر پولیس نے اشتہاری ملزمان اقبال عرف بالی اور شہباز عرف شجو کی گرفتاری کے لئے ریڈ کیا ،جس پر ملزمان نے فائرنگ کردی،ملزمان کی فائرنگ سے کانسٹیبل عظمت علی زخمی ہوگیا،واقعہ کے بعد ملزمان اندھیرے کا فائدہ اٹھا کر فرار ہو گئے۔
پولیس کے مطابق عظمت کو طبی امداد کے لیئے جناح ہسپتال منتقل کردیا۔ جہاں اس کی حالت خطرے سے باہر بتائی جارہی ہے۔سی سی پی او لاہور فیاض احمد دیو نے واقعہ کا نوٹس لیتے ہوئے ایس ایس پی آپریشنز سے رپورٹ طلب کرلی اورملزمان کی فوری گرفتاری عمل میں لانے کی ہدایت کی ہے۔