راؤ دلشاد : پاکستان مسلم لیگ ن کے صدر محمد نواز شریف سے مسجد نبوی شریف کے امام محترم ڈاکٹر صلاح بن محمد البدیر کی ملاقات ہوئی ۔
محمد نواز شریف نے امام مسجد نبوی شریف محترم ڈاکٹر صلاح بن محمد البدیر کی آمد پر پر تپاک استقبال کیا ، انہوں نے مسجد نبوی شریف کے امام کی تشریف آوری پر شکریہ ادا کیا۔
ڈاکٹر صلاح بن محمد البدیر سے ملاقات میں باہمی دلچسپی کے امور پر تبادلہ خیال کیا گیا۔ مسجد نبوی شریف کے امام محترم ڈاکٹر صلاح بن محمد البدیر نے پرتپاک استقبال اور شاندار میزبانی پر شکریہ ادا کیا، انہوں نے پاکستان کی ترقی و خوشحالی اور امن سکون کی دعائیں بھی کیں ۔
نواز شریف کا کہنا تھا کہ مسجد نبوی شریف کے امام محترم ڈاکٹر صلاح بن محمد البدیر کی آمد ہمارا اعزاز ہے۔
سعودی سفیر محترم نواف بن سعید المالکی، ڈپٹی وزیر اعظم اسحاق ڈار، احسن اقبال، رانا ثنااللہ، مجتبیٰ شجاع الرحمان، فیصل کھوکھر، میاں ناصر جنجوعہ، مولانا نعیم بٹ اور راشد نصراللہ بھی اس موقع پر موجود تھے۔