بسام سلطان : ڈی سی لاہور رافعہ حیدر کی زیر صدارت حضرت امام حسین علیہ السلام چہلم و حضرت عثمان بن علی ہجویری المعروف داتا گنج بخش رحمتہ اللہ علیہ عرس کے موقع پر انتظامات کا جائزہ اجلاس ہوا۔ ڈی سی لاہور رافعہ حیدر کی اسسٹنٹ کمشنر سٹی کو جلوس روٹس کے دورے کرنے کی ہدایت کی ۔ جلوس روٹس کی بھرپور مانیٹرنگ کے لئے سی سی ٹی وی کیمرے لگائے جائیں گے.
اجلاس میں ایڈیشنل ڈپٹی کمشنر، اسسٹنٹ کمشنرز، ایم سی ایل، ایل ڈبلیو ایم سی ، واسا، لیسکو، پی ایچ اے، سوئی گیس، پولیس، سول ڈیفنس و دیگر نے شرکت کی ۔ ڈی سی لاہور رافعہ حیدر کو انتظامات پر تفصیلی بریفنگ دی گئی۔ ڈی سی لاہور رافعہ حیدر نے تمام متعلقہ اداروں کو اہم ٹاسک سونپ دئیے۔ جلوس روٹس کی ڈی سی آفس کنٹرول روم سے مانیٹرنگ کی جائے گی.
ڈی سی لاہور رافعہ حیدر کا کہنا تھا کہ ایم سی ایل جلوس روٹ پر پیچ ورک اور لائٹنگ کے انتظامات کو دیکھیں گے. ایل ڈبلیو ایم سی جلوس روٹس پر صفائی ستھرائی کے انتظامات یقینی بنائیں گے. واسا مون سون بارشوں کے سبب جلوس روٹ پر ڈی واٹرنگ مشینری نصب کریں گے. لیسکو جلوس روٹس پر سے لٹکتی ہوئی تاروں کو فوری طور پر ہٹائیں.
