ویب ڈیسک: بھارتی ریاست اترپردیش میں بندروں کے خوف سے خاتون گھر کی چھت سے گر کر ہلاک ہوگئی۔
افسوسناک واقعہ ضلع کوشامبی میں پیش آیا جہاں کرن دیوی نامی خاتون چھت سے رسی پر ٹنگے کپڑے اتارنے گئی تھی۔ پولیس نے بتایا کہ خاتون رسی سے کپڑے اتار رہی تھی کہ اسی دوران بندروں کا ایک جھنڈ چھت پر آگیا جسے دیکھ کر خاتون خوف میں مبتلا ہوگئی۔ خاتون نے بندروں سے بچ کر بھاگنے کی کوشش کی اور اسی دوران ان کا پاؤ پھنسلا اور وہ چھت سے نیچے جاگری۔
پولیس کے مطابق خاتون کے گھر والوں کی جانب سے اسے فوری اسپتال منتقل کیا گیا، جہاں ڈاکٹرز کی جانب سے خاتون کو مردہ قرار دے دیا گیا جبکہ پولیس نے لاش کو پوسٹ مارٹم کیلئے بھی بھیج دیا ہے۔