(سٹی 42) عالمی مارکیٹ میں خام تیل کی قیمتیں 7 ماہ کی کم ترین سطح پر آگئیں جس سے پاکستان میں پیٹرولیم مصنوعات سستی ہونے کی امید پیدا ہوگئی۔
خبر رساں ایجنسی کے مطابق امریکی تیل کے ذخائر میں اضافے پر خام تیل کی قیمتیں گر گئیں، امریکی تیل کے ذخائر توقع سے زائد بڑھنے اور طلب میں کمی کے خدشات پر مندی دیکھی جارہی ہے۔
ذرائع کے مطابق امریکی خام تیل 70 سینٹس کمی سے 90 ڈالر فی بیرل سے نیچے آگیا جبکہ بینچ مارک لندن برینٹ آئل 60 سینٹس کمی سے 96 ڈالر فی بیرل ہوگیا۔
ماہرین کا کہنا ہے کہ خام تیل کی قیمت کم ہونے سے پاکستان کے درآمدی بل میں کمی ہوگی، ڈالر کے بعد خام تیل سستا ہونے سے پاکستان میں پیٹرولیم مصنوعات کی قیمتوں میں کمی کی توقع ہے۔