(شہباز علی) آرنلڈ کلاسک میس ریسلنگ چیمپئن شپ میں حصہ لینے کے لئے دو پاکستانی میس ریسلرز لاہور سے براستہ دبئی برازیل روانہ ہوگئے، ٹیم کے تیسرے رکن رحمان رضا آج رات برازیل روانہ ہوں گے۔

برازیل کے شہر ساؤ پاؤلو میں 12 سے 14 اپریل تک ہونے والی آرنلڈ کلاسک میس ریسلنگ چیمپئن شپ میں پاکستان کی تین رکنی ٹیم حصہ لے گی، سلمان عقیل بٹ چیمپئن شپ میں پاکستان کی قیادت کریں گے، ٹیم کے کپتان سلمان عقیل بٹ اور عاصم قیوم براستہ دبئی برازیل چلے گئے جبکہ تیسرے رکن رحمان رضا آج رات گئے برازیل روانہ ہوں گے۔

چیمپئن شپ میں سلمان عقیل بٹ 80 کلوگرام، عاصم قیوم 90 جبکہ رحمان رضا 105 کلوگرام کیٹگری میں اپنی صلاحیتوں کا لوہا منوائیں گے۔