ویب ڈیسک : کراچی کے علاقے نئی سبزی منڈی میں سیوریج لائن میں خوفناک دھماکا ہوا ۔
یہ دھماکا سبزی منڈی میں ایک بینک کے باہر ہوا، جس کی شدت سے اطراف کی دکانوں اور عمارتوں کے شیشے بھی ٹوٹ گئے، دھماکا ہوتے ہی نالے پر بنا فرش اکھڑ گیا، اور وہاں کھڑی ایک موٹر سائیکل اڑ کر فضا میں بلند ہو گئی اور واپس کار کی چھت پر آ گری، بینک کے باہر تعینات سیکیورٹی گارڈ بال بال بچا۔ دھماکے سے متعدد گاڑیوں اور موٹر سائیکلوں کو بھی نقصان پہنچا، دھماکے کے نتیجے میں سڑک مکمل طور پر پھٹ گئی۔
دھماکے کے بعد بھگدڑ مچ گئی، اور علاقے میں خوف وہراس پھیل گیا۔ جس کے بعد دھماکے کی شدت اور وجوہ جاننے کے لیے بم ڈسپوزل اسکواڈ کو طلب کر لیا گیا ۔
حادثے کے نتیجے میں ابتدائی طور پر ایک شخص کے زخمی ہونے کے اطلاعات ہیں۔