عابد چوہدری : پولیس کی جانب سے بڑی کارروائی کی گئی جس میں فارم ہاوسز اور ڈانس پارٹیوں میں منشیات سپلائی کرنے والا گروہ پکڑا گیا۔
تفصیلات کے مطابق ہڈیارہ پولیس نے گرفتار منشیات فروش سے کروڑوں روپے مالیت کی ہیروئین اور چرس برآمد کی ہے۔
ایس ایچ او حماس حمید کا کہنا ہے کہ گرفتار منشیات فروشوں میں علی، امین اور عادل شامل ہیں جو پڈھانہ گاؤں سے منشیات کے چھوٹے پیکٹ بنا کر سپلائی کرتے تھے۔ انھوں نے مزید بتایا کہ گرفتار ملزموں نے تعلیمی اداروں کے گرد بھی منشیات سپلائی کا انکشاف کیا ہے۔
پولیس کی جانب سے تمام گرفتار افراد کے خلاف مقدمہ درج کرلیا گیا اور مزید تفتیش جاری ہے۔