ویب ڈیسک: اداکارہ ندا یاسر کی اِن دنوں ایک پرانی ویڈیو سوشل میڈیا پر خوب وائرل ہورہی ہے جس پر اب ان کے شوہر اداکار یاسر نواز نے بھی پیروڈی کی ہے۔
ندا یاسر کے مارننگ شو کا ایک کلپ سوشل میڈیا پر شیئر کیا گیا جس میں وہ فارمولا ون ریسنگ کار اور انگریزی کے لفظ ’فارمولا‘ میں فرق نہیں کر پائیں۔اداکارہ کی ویڈیو وائرل ہونے کے بعد ٹوئٹر پر ان کے نام کا ہیش ٹیگ ٹاپ ٹرینڈ میں شامل ہوگیا ۔ان پر سیکڑوں میمز بنائے گئے جبکہ صارفین کی جانب سے انہیں مذاق اور کڑی تنقید کا نشانہ بھی بنایا گیا۔
Kill me. Now. pic.twitter.com/XLl4KlYA3j
— Zarrar Khuhro (@ZarrarKhuhro) September 3, 2021
اسی کلپ کے حوالے سے گزشتہ روز ندا یاسر کے شوہر یاسر نواز نے انسٹاگرام پر ایک ویڈیو شیئر کی جس میں وہ ندا کی فارمولا ون کار کے حوالے سے لاعلمی پر سر پر دوپٹہ اوڑھے اداکاری کررہے ہیں اور ان کی نقل اتار رہے ہیں۔
View this post on Instagram
یاسر کی اس ویڈیو پر ناصرف صارفین کی جانب سے حیرانی کا اظہار کیا گیا بلکہ شوبز شخصیات کی جانب سے بھی انہیں تعریفی کلمات سے نوازا گیا۔