سٹی42:  لبنان سے شمالی اسرائیل پر  راکٹوں کی بارش بدستور جاری ہے، اسرائیل کے وزیر دفاع یواو گیلنٹ نے کل کہاتھا کہ حزب اللہ قیادت سے محروم ہو کر  کمزور ہو گئی ہے اور اس کی حملے کرنے کی طاقت کم ہو گئی ہے۔ اس کے بعد  شمالی اسرائیل پر حزب اللہ کی جانب سےمزید  راکٹ فائر کئے گئے جن سے دو افراد ہلاک اور 8 زخمی ہو گئے۔ 

ایم ڈی اے نے اعلان کیا کہ بدھ کے روز تقریباً 40 راکٹوں کی نشاندہی کی گئی جو لبنان سے بالائی گلیلی اور حیفہ خلیج کی طرف گئے، ایک راکٹ پھٹنے سے کریات شمونہ میں دو افراد ہلاک اور آٹھ زخمی ہوئے۔ IDF نے اطلاع دی  کہ صرف کریات شمونہ کی طرف ایک راکٹ بیراج میں 20  راکٹوں کا پتہ چلا ہے۔

اسرائیلی میڈیا کے مطابق ہلاک ہونے والے دو افراد میاں بیوی تھے، دونوں کی عمریں 40 سال تھیں۔ Ynet کی رپورٹ کے مطابق، وہ اپنے کتوں کو  ٹہلانے کے لئے نکلے ہوئے تھے اور جب شارپنل ان پر گرے تو ان کے پاس کسی محفوظ جگہ پہنچنے کا وقت نہیں تھا۔

اسرائیل کے شمال میں تازہ ترین بیراج میں آٹھ زخمی
حیفہ بے کے علاقے میں حزب اللہ کے راکٹ گرنے سے جانی نقصان کی اطلاعات ملیں۔  ایم ڈی اے کے پیرامیڈیکس نے تین افراد کا علاج کیا۔ ایم ڈی اے کی رپورٹ کے مطابق، تینوں زخمیوں کو چھرے لگے تھے  جن میں سے ایک کی عمر 16 سال کی درمیانی ہے، اور دوسرے کی عمر تقریباً 50 سال ہے اور وہ ہلکے زخموں کا شکار ہے۔

روش ہشعناہ کے بعد سے اب تک حزب اللہ کی طرف سے   ہزاروں راکٹ داغے گئے ہیں۔