ویب ڈیسک : شکارپور بچل بھیو تھانے کی حدود میں پولیس کی جانب سے ڈاکوؤں کے خلاف آپریشن کیا گیا ۔
پولیس کے مطابق ٹائون چک کے قریب آرائیں بچاءُ بند کے مقام پر ڈاکوؤں نے پولیس پر فائرنگ کردی، پولیس کی جانب سے بھرپور جوابی فائرنگ کی گئی۔ دو طرفہ فائرنگ کے تبادلے میں ایس ایچ او زخمی ہوگیا ۔
پولیس کا کہنا ہے کہ زخمی ایس ایچ او سہراب اوڈہو کو سکھر کے ہسپتال لے جایا جا رہا تھا، اسی دوران زخموں کی تاب نہ لاتے ہوئے وہ راستے میں شہید ہوگیا۔
پولیس نے بتایا ہے کہ کچے کے علاقے میں پولیس کی بھاری نفری طلب کر لی گئی ہے۔