ویب ڈیسک : اوکاڑہ میں گول چوک کے نزدیک معروف بیوٹی پارلر کو خواتین نے لوٹ لیا۔
پولیس کے مطابق دو خواتین میک اپ کروانے کے بہانے بیوٹی پارلر میں دخل ہوئیں، جس کے بعد انہوں نے اسلحہ نکالا اور جان سے مار دینے کی دھمکیاں دیتے ہوئے پارلر میں موجود خواتین کو یرغمال بنالیا۔ دونوں خواتین نے ہزاروں روپے کی نقدی، 2 موبائل فونز، طلائی زیورات اور میک اپ کا سامان لوٹ لیا، جس کے بعد دونوں پارلر سے فرار ہوگئیں۔
دوسری جانب واردات کی اطلاع ملتے ہی پولیس تھانہ اے ڈویژن موقعہ پر پہنچی۔ پولیس نے پارلر میں موجود خواتین سے وقوعہ کی تفتیش شروع کردی۔
پولیس کا کہنا ہے کہ ملزمان کو جلد گرفتار کر لیا جائے گا۔