ویب ڈیسک : وادی نیلم میں اٹھ مقام پر ظلم کی انتہا کرتے ہوئے ملزمان نے کلہاڑی کے وار سے گائے کی دم کاٹ دی۔
بے زبان جانور کے ساتھ بدسلوکی کا ایک اور افسوسناک واقعہ سامنے آیا ہے ۔ پولیس کے مطابق گائے چرتی ہوئی کھیت میں جاگھسی، گائے کے کھیت میں داخل ہونے پر ملزمان غصے میں آگئے اور کلہاڑی سے وار کرکے گائے کی دم کاٹ دی، دم کٹنے کی وجہ سے جانور درد سے کراہنے لگا۔
زخمی گائے کی ویڈیوز سوشل میڈیا پر وائرل ہوگئی، جس پر صارفین کی جانب سے شدید غصے اور افسوس کا اظہار کیا گیا ہے ۔
دوسری جانب پولیس نے بروقت کارروائی کرتے ہوئے گائے پر حملہ کرنے والے ملزمان کو گرفتار کرلیا ۔