سلیم میرانی:  کندھ کوٹ کے گائون پیارو سبزوئی میں راکٹ لانچر کا گولا پھٹنے کا معاملہ، پولیس نے سندرانی اور ساوند قبائل کے 42 افراد پر مقدمہ درج کرلیا۔ 

تفصیلات کے مطابق مقدمہ میں 12 افراد نامزد جبکہ 30 نامعلوم افراد پر درج کیا گیا۔پولیس کا کہنا ہے کہ مقدمہ اے ایس آئی غلام علی بہلکانی کی مدعیت میں درج کر لیا ہے۔ واقعہ دو ہفتہ قبل تھانہ گھوڑا گھاٹ کے حدود میں پیش آیا تھا۔ سندرانی اور ساوند قبائل کی دیرینہ دشمنی کے باعث راکٹ گولا گھر میں گرنے سے پیش آیا ہے۔ 

واضح رہے کہ راکٹ کا گولا پھٹنے سے ایک ہی خاندان کے 8 افراد جاں بحق ہو گئے تھے۔