(ویب ڈیسک) سوشل میڈیا پر وائرل ہونے والی ویڈیو میں ایک شخص کو نئی گاڑی دروازے سے اندر لاتے دیکھا جاسکتا ہے،کچھ لوگ صحیح طریقے سے سیکھے بغیر گاڑی چلانے کی کوشش کرتے ہوئے پریشانی کا شکار نہیں ہوئے، ویڈیو میں گاڑی چلانے والے کے ساتھ ایسا واقعہ پیش آیا جس کا گمان تک نہیں تھا۔
تفصیلات کےمطابق اس واقعہ کی ویڈیو 'شارف چوکر' نامی ٹویٹر صارف نےشیئر کی گئی، ویڈیو میں دکھایا گیا ہے کہ ایک شخص ہاؤسنگ سوسائٹی کی پارکنگ کی جگہ کے اندر کار چلا کر لا رہا ہے، اس کے ساتھ 2 لوگ اور بھی ہیں گاڑی کو اندر داخل کرنے کے لئے ایک نے گیٹ کھولا اور ڈرائیور نئی گاڑی کو چلاتے اندر کی طرف آیا جہاں موٹرسائیکلیں بھی پارکنگ میں کھڑیں تھیں۔
جیسے ہی نئی گاڑی کو چلاتے ڈرائیور اندر داخل ہوا تو منظر ہی بدل گیا، کار بے قابو ہوکر کھڑی موٹرسائیکلوں کے ساتھ ٹکرا گئی، کار کے ٹکرانے پر دونوں لوگ جو باہر موجود تھے بھاگے تاکہ کار الٹ نہ جائے، اس واقعہ میں موٹرسائیکلوں کو نقصان پہنچا، یہ بالکل نئی کار تھی جس کے بونٹ پر ایک رسمی مالا بھی نظرآرہی ہے۔