ویب ڈیسک: ہنڈائی نشاط موٹرز نے محدود وقت  کیلئے اپنے 2جدیدماڈلز ’ٹوسان‘ اور ’سانتافے‘ کی قیمتوں میں کمی کا اعلان کیا ہے۔

 کمپنی کے مطابق ٹوسان کے تمام ویرینٹس کی قیمتوں میں 2 لاکھ روپے تک کمی کی گئی ہے، جس کے بعد ٹوسان AWD الٹیمیٹ (بلیک) کی نئی قیمت 87,84,000 روپے ہوگی، اس ماڈل کی قیمت پہلے 89,84,000 روپے تھی۔ ٹوسان AWD الٹیمیٹ (بیج) کی نئی قیمت 87,09,000 روپے مقرر کی گئی ہے، جو پہلے 89,09,000 روپے تھی،ٹوسان FWD جی ایل ایس اسپورٹ کی قیمت اب 80,80,000 روپے ہے، جو پہلے 82,80,000 روپے تھی۔ اس کے علاوہ FWD جی ایل ایس ویرینٹ کی نئی قیمت 71,15,000 روپے مقرر کی گئی ہے، جو پہلے 73,15,000 روپے تھی۔

سانتافے کی قیمتوں میں 8 لاکھ روپے تک کی کمی کی گئی ہے ، سانتافے AWD سگنیچر کی نئی قیمت 13,899,000 روپے ہے، جبکہ اس کی پہلے قیمت 14,699,000 روپے تھی۔ سانتافے AWD سگنیچر کی قیمت میں 8 لاکھ روپے کمی کے بعد اب یہ 13,899,000 روپے ہے، جبکہ اس کی پہلے قیمت 14,699,000 روپے تھی، سانتافے FWD اسمارٹ کی قیمت میں 5 لاکھ روپے کمی کی گئی ہے، جس کے بعد اس کی نئی قیمت 12,490,000 روپے ہے جو پہلے 12,990,000 روپے تھی۔

یہ قیمتیں 31 دسمبر 2024 تک نافذ العمل رہیں گی۔