روزینہ علی : آج رات کے موسم کی صورتحال کے حوالے سے محکمہ موسمیات کا کہنا ہے کہ خیبرپختونخوا، گلگت بلتستان ،کشمیر،اسلام آباد ، بالائی اور وسطی پنجاب میں تیز ہواؤں اور گرج چمک کے ساتھ بارش کا امکان ہے، پہاڑوں پر برفباری اور چند مقامات پر ژا لہ باری کا بھی امکان ہے۔ ملک کے دیگرعلاقوں میں موسم خشک رہے گا۔
جمعہ کے روزموسم کی صورتحال کے متعلق محکمہ موسمیات کا کہنا ہے کہ اسلام آباد میں مطلع ابر آلود رہنے کے علاوہ صبح کے اوقات میں تیز ہواؤں اور گرج چمک کے ساتھ بارش کی توقع ، جبکہ بعض مقامات پر ژا لہ باری کا بھی امکان ہے۔ اس کے علاوہ بٹگرام، شانگلہ، بونیر، کوہستان، مانسہرہ، ایبٹ آباد، ہری پور، صوابی اور پشاور میں تیز ہواؤں اور گرج چمک کے ساتھ بارش اور پہاڑوں پر برفباری کا امکان ہے۔
محکمہ موسمیات کے مطابق پنجاب مری، گلیات، راولپنڈی، اٹک، چکوال، جہلم، منڈی بہاؤالدین، گوجرانوالہ، گجرات، سیالکوٹ، نارووال، لاہور، شیخوپورہ ، اوکاڑہ، قصوراور حافظ آباد میں صبح کے اوقات میں تیز ہواؤں اور گرج چمک کےساتھ بارش کا امکان ہے صبح کے اوقات میں اوکاڑہ، سا ہیوال، منڈی بہاؤالدین، فیصل آباد، جھنگ ،ٹوبہ ٹیک سنگھ،خانیوال ،ملتان ، بہاولپور ، ڈیرہ غا زی خان اور گر دو نواح میں دھند کا امکان ہے۔
محکمہ موسمیات کا کہنا ہے کہ بلوچستان کے بیشتر اضلاع میں مو سم سرد اور خشک رہے گا، جبکہ سندھ کے بیشتر اضلاع میں بھی موسم خشک رہے گا۔اس کے علاوہ کشمیر اورگلگت بلتستان میں مطلع ابر آلود رہنے کے علاوہ بارش اور پہا ڑ وں پر بر فباری کا امکان ہے، کشمیر میں چند مقامات پر ژا لہ باری بھی ہو سکتی ہے ۔