(ویب ڈیسک)’ہیری پوٹر ‘ اور ’کیری آن‘ جیسی معروف فلموں میں اپنے کرداروں سے شہرت پانے والے اداکار لیسلی فلپس گزشتہ روز چل بسے۔
لیسلی فلپس نے صرف 13 برس کی عمر میں اپنے فنی کیریئر کا آغاز کیا تھا، 80 برس کے کیریئر کے دوران انہوں نے 200 سے زائد فلموں ، ٹی وی اور ریڈیو سیریز میں اداکاری اور وائس اوور کے جوہر دکھائے۔
انہوں نے معروف فلم ہیری پوٹر میں سورٹنگ ہیٹ کی وائس اوور بھی کی تھی۔ ان کی اہلیہ کے مطابق انہیں آٹھ سال قبل فالج کا دورہ پڑا تھا لیکن وہ صحت یاب ہو گئے تھے تاہم گزشتہ روز علالت کے باعث وہ چل بسے۔