(مانیٹرنگ ڈیسک) پاک فضائیہ کے شعبہ تعلقات عامہ نے علامہ محمد اقبال کے 144 ویں یوم پیدائش پر انہیں خراج عقیدت پیش کرنے کیلئے ایک مختصر دستاویزی ویڈیو جاری کردی۔
اقبال کی شاعری میں فکر و خیال کی گہرائی ملتی ہے، تخلیق عرض پاک انہی کی فکری کاوشوں سے سرانجام پائی ہے، نوجوان نسل کو شاہین کا تخاطب دے کر اقبال جہاں اس میں رفعت خیال، جذبہ عمل، وسعت نظری اور جرأت رندانہ پیدا کرنا چاہتے تھے وہاں اس کے جذبۂ تجسس کی بھرپور تکمیل بھی چاہتے تھے۔
یوم اقبال: پاک فضائیہ کا خراج عقیدت، مختصر دستاویزی ویڈیو جاری pic.twitter.com/AwdjwDu1RY
— City42 (@city42) November 9, 2022
شاہین جو پرندوں کی دنیا کا درویش ہے، اپنی خودی پہنچانتا ہے، تجسس اس کی فطرت اور جھپٹنا اس کی عادت ہے۔ وہ فضائے بسیط کا واحد حکمران ہے جو فضاؤں اور بلندیوں سے محبت کرتا ہے۔
دستاویزی فلم میں اس عہد کی تجدید کی گئی ہے کہ پاک فضائیہ کا ہر شاہین مادر وطن کی حفاظت کے لیے ہمہ وقت تیار ہے اور ضرورت پڑنے پر کسی بھی قربانی سے گریز نہیں کرے گا۔