(اکمل سومرو)اسسٹنٹ پروفیسرز کی گریڈ 19 میں ترقیوں کیلئے پروموشن لنک ٹریننگ کے ٹیسٹ کے نتائج کا اعلان، پنجاب ایچ ای سی کا ٹیسٹ پاس کرنیوالے اساتذہ ایسوسی ایٹ پروفیسر کیلئے اہل ہوں گے۔
اسسٹنٹ پروفیسرز کی گریڈ 19 میں ترقیوں کیلئے پروموشن لنک ٹریننگ کے ٹیسٹ کے نتائج کا اعلان کر دیا گیا۔ پنجاب ہائر ایجوکیشن کمیشن نے پروموشن لنک میں شرکت کرنےوالے اساتذہ کے ٹیسٹ کےنتائج کا اعلان کر دیا ہے۔
پنجاب ایچ ای سی کے ٹریننگ کورس میں 300 کالج اساتذہ نے شمولیت کی تھی۔ ٹریننگ کورس میں حاصل کردہ نمبروں سے 15 نمبر پروموشن کے لئے ایوارڈ ہوں گے۔ ڈی پی آئی کالجز پنجاب نے کمیشن کے جاری کردہ رزلٹ کو ڈائریکٹر کالجز کو بھیج دیا ہے۔
گریڈ 19 میں ترقیوں کیلئے پروموشن ٹریننگ کورس پاس کرنے کی شرط عائد ہے۔ پنجاب ایچ ای سی نے چار ہفتوں کی پروموشن ٹریننگ کورس کے بعد اساتذہ کا امتحان لیا۔