(محمد ساجد) ٹی 20 ورلڈ کپ سے باہر نے والی بھارتی ٹیم نے گزشتہ روز اپنا اخری میچ نمیبیا کے خلاف کھیلا جس میں بھارت نے 9 وکٹوں سے کامیابی حاصل کی، بھارتی ٹیم کے کپتان کی جانب سے ایک ٹویٹ کیا گیا۔
تفصیلات کےمطابق پاکستان اور نیوزی لینڈ سے عبرتناک شکست سے دوچار ہونے والی بھارتی ٹیم ٹی 20 ورلڈ کپ کی دوڑ سے باہر ہوچکی ہے، کوہلی الیون نے گزشتہ روز اپنا اخری میچ نمیبیا کے خلاف کھیلا جس میں بھارت نے 9 وکٹوں سے کامیابی حاصل کی۔
ویرات کوہلی کی جانب سے پہلی ٹویٹ کی گئی جس کو کوہلی نے اپنے آفیشل ٹویٹ اکاؤنٹ پر پوسٹ کیا جس میں ساتھی کھلاڑیوں کے ہمراہ کچھ تصاویر شیئر کیں اور ساتھ ہی ورلڈکپ سے باہر ہونے پر افسوس کا اظہار کیا۔
بھارتی کپتان ویرات کو ہلی نے ٹویٹ میں لکھا کہ 'ہم سب ساتھ مل کر اپنے مقصد کو حاصل کرنے نکلے تھے لیکن بدقسمتی سے کامیاب نہ ہوسکے، اس وقت ہم سے زیادہ مایوس کوئی نہیں'۔
کوہلی نے بھارتی شائقین کی محبت کا شکریہ ادا کرتے ہوئے کہا کہ 'آپ لوگوں کی جانب سے ملنے والی حمایت زبردست تھی جس کے ہم مشکور ہیں، ہم مضبوط ہو کر واپس لوٹنے کا ارادہ کریں گے'۔
Together as one we set out to achieve our goal.Unfortunately we fell short and no one is more disappointed than us as a side.The support from all of you has been fantastic and we are grateful for it all.We will aim to come back stronger and put our best foot forward. Jai Hind???????????? pic.twitter.com/UMUQgInHrV
— Virat Kohli (@imVkohli) November 8, 2021