کابینہ کی اقتصادی رابطہ کمیٹی ( ای سی سی) نے 4 کمپنیوں کے کارڈیک اسٹنٹس کی زیادہ سے زیادہ قیمت کی منظوری دے دی۔
وزیرخزانہ اسحاق ڈار کی زیر صدارت کابینہ کی اقتصادی رابطہ کمیٹی کا اجلاس ہوا جس میں کارڈیک اسٹنٹس کی زیادہ سے زیادہ قیمت کی منظوری دی گئی۔اعلامیے کے مطابق پروموس پریمیئر امریکی اسٹنٹ کی قیمت 58 ہزار 765 روپے ، الٹی ماسٹر جاپانی اسٹنٹ کی قیمت 65 ہزار 507 روپے، ڈیسائنو ایکس ٹو امریکی اسٹنٹ کی قیمت 72 ہزار 450 روپے اور کری 8 ترک/ اٹلی اسٹنٹ کی قیمت 53 ہزار 130 روپے مقررکرنے کی منظوری دی گئی۔