ویب ڈیسک : موٹروے پولیس نے خطرناک انداز میں گاڑی چلانے پر 4 افراد کو گرفتار کرلیا، جن کی گاڑی سے لاکھوں روپے کی جعلی کرنسی بھی برآمد ہوئی ہے ۔
ترجمان موٹروے پولیس کے مطابق چاروں ملزم گاڑی کے ذریعے پشاور سے لاہور جارہے تھے، دوران پیٹرولنگ خطرناک انداز میں گاڑی چلانے پر روکا گیا، دورانِ چیکنگ گاڑی سے 7 لاکھ 41 ہزار روپے مالیت کی جعلی کرنسی برآمد ہوئی، جس کے بعد چاروں کو گرفتار کرلیا گیا ۔
ترجمان موٹروے پولیس کا کہنا ہے کہ چاروں ملزم تھانہ مصری بانڈہ پولیس نوشہرہ کے حوالے کردیئے گئے۔