سٹی 42: بالی ووڈ کی معروف اداکارہ پریانکا چوپڑا نے امریکی شہر نیو یارک میں ایک بھارتی ریسٹورنٹ کھولا ہے، جس کا نام انہوں نے’ سونا‘ رکھا ہے۔
تفصیلات کے مطابق پریانکا نے بیرون ملک مقیم اپنے ہندوستانی مداحوں کیلئے نیویارک میں ایک پرتعیش ریسٹورنٹ کھولا ہے، پریانکا نے ریستوراں کا نام ’ سونا‘ رکھا ہے۔ پریانکا چوپڑا نے سماجی رابطے کی ویب سائٹ انسٹاگرام پر اپنے ریسٹورنٹ کی کچھ تصاویر بھی شئیر کی ہیں۔
ریسٹورنٹ کے افتتاح کے لئے انہوں نے چھوٹی سی پوجا پاٹ بھی کرائی، پریانکا چوپڑا نے ان تصاویر کو شیئر کرتے ہوئے لکھا ، ’’میں سونا کو آپ کے سامنے پیش کرنے پر خوش ہوں، افتتاح کے موقع پر لی گئی تصاویر میں پریانکا چوپڑا کے شوہر پاپ سٹار نک جونس بھی ان کے ہمراہ پوجامیں شریک ہیں۔