اسرار خان : لاہور میں موٹر سائیکل چوری کی وارداتیں کم نہ ہو سکیں، ہربنس پورہ کے علاقہ تاج باغ میں چور گھر کے باہر کھڑی موٹر سائیکل لے اڑا ۔
سی سی ٹی وی میں پتلون شرٹ میں ملبوس ایک ملزم اطراف کا جائزہ لیتا ہوا نظر آتا ہے، موقع ملتے ہی ملزم سائیڈ لاک توڑ کر موٹر سائیکل چرا کر فرار ہو جاتا ہے۔
دوسری جانب پولیس نے متاثرہ شہری کی درخواست پر نامعلوم ملزم کے خلاف مقدمہ درج کر لیا۔
پولیس کا کہنا ہے کہ سی سی ٹی وی کی مدد سے واردات میں ملوث ملزم کی تلاش کی جا رہی ہے۔