زاہد بشیر چوہدری : میرپور آزادکشمیر میں کاکڑہ ٹاون کے مقام پر کار اور ٹرک میں خوفناک تصادم میں 2 افراد جاں بحق ہوگئے ۔
حادثہ کاکڑہ ٹاون کے مقام پر تیز رفتاری کے باعث پیش آیا، حادثے کے باعث کار سوار مرد اور خاتون موقع پر جاں بحق ہوگئے۔ ریسکیو اور دیگر ٹیمیں کار سوار افراد کو نکالنے میں مصروف ہیں۔
حادثہ میں کار کی پچھلی سیٹوں پر بیٹھے 2 افراد شدید زخمی ہوئے، جنہیں ہسپتال منتقل کردیاگیا، تاہم جاں بحق ہونے والوں کو تاحال کار سے نہ نکالا جا سکا۔ جاں بحق و زخمی ہونے والوں کا تعلق گجرات ڈنگہ سے بتایا جا رہا ہے ۔