جان شیر : شرینگل کے علاقے بیلو کے مقام پر موٹر کار پہاڑ سے ٹکرانے کے بعد دریائے پنچکوڑہ میں جاگری، حادثے میں 3 افراد جاں بحق، جبکہ 1 شخص شدید زخمی ہوگیا۔
پولیس ذرائع کی مطابق بارات میں جانے والی کار مین کمراٹ روڈ پر بیلوو کے مقام پر ڈرائیور سے بے قابو ہو کر دریائے پنجکوڑہ میں جاگری۔اطلاع ملتے ہی مقامی افراد کی بڑی تعداد ,ریسکیو اور سول ڈیفنس کے رضاء کار جائے حادثہ پہنچی اور دریا میں گرنے والے افراد کی تلاش شروع کردی ۔
شرینگل پولیس کے زخمی اور مرنے والوں کو مقامی ہسپتال ارایچ سی شرینگل منتقل کیا گیا۔ جاں بحق ہونے والوں میں ڈرائیور آمان اللّٰہ ولد نادر خان سکنہ مجال خوڑ، شیرین زادہ ولد گل فراز سکنہ ملوک خوڑ ، حارث ولد تاج اللّٰہ شامل ہیں، جبکہ حادثے میں احتشام ولد تاج اللّٰہ مینہ ڈوگ زخمی ہوا۔
موٹر کار گاڑی دریائے پنچکوڑا سے نکالنے کیلئے ریسکیو آپریشن جاری ہے۔