سٹی42: آئی سی سی ٹی ٹوئنٹی ورلڈ کپ 2024 , پاک بھارت ٹاکرے کا جنون شائقین کو میچ دیکھنے کیلئے پنڈی کرکٹ اسٹیڈیم کھینچ لائی۔
تفصیلات کے مطابق پاک بھارت ٹاکرے کا جنون گرمی کی پرواہ کیے بغیر شائقین کو پنڈی سٹیڈیم کے انکلوژر میں لے آیا۔ ہائی وولٹیج ٹاکرے کے لیے پنڈی کرکٹ اسٹیڈیم میں شائقین کے لیے 4 بڑی اسکرینیں لگائی گئی ہیں۔ اسٹیڈیم میں گراؤنڈ کے اندر 26 فٹ لمبی اور 53 فٹ چوڑی اسکرینیں لگائی گئی ہیں۔
واضھ رہے کہ شائقین کرکٹ کے لیے اسٹیڈیم میں فری انٹری ہے۔
جبکہ دوسری جانب ٹی 20 ورلڈ کپ 2024کا سب سے بڑا ٹاکرا دیکھنے کے لئے اراکین پنجاب اسمبلی بھی پرجوش ہیں اور قومی ٹیم کی کامیابی کیلئے نیک تمناؤں کا اظہار کیا۔
اراکین اسمبلی کا کہنا ہے کہ فیملی کے ہمراہ میچ دیکھیں گے،قومی ٹیم بہت مضبوط ہے، پاک بھارت میچ میں پاکستانی ٹیم جیت کر قوم کو تحفہ دے گی۔