اشفاق عباسی : وادی نیلم میں کریم آباد کے مقام پر سڑک کی حفاظتی دیوار سرکنے سے مسافر جیپ کو حادثہ پیش آیا جس کے نتیجے میں 4 افراد جاں بحق اور 4 زخمی ہو گئے۔
ریسکیو ذرائع کے مطابق حادثہ وادی نیلم میں کریم آباد کے مقام پر جیپ کو پیش آیا، حادثے میں 4 افراد جان کی بازی ہار گئے، حادثہ میں لاپتہ ایک شخص کی لاش دریائے نیلم سے نکالی گئی، حادثہ میں 4 افراد زخمی ہوئے ہیں۔
جیپ حادثے میں بچ جانے والے مسافر کا کہنا ہے کہ مسافر جیپ پر 18 افراد سوار تھے، گاڑی کی چھت پر بھی 4 مسافر سوار تھے، جیپ سواریوں سے بھری ہوئی تھی، سڑک کی حفاظتی دیوار سرکنے سے حادثہ پیش آیا۔
دوسری جانب حادثے میں لاپتہ افراد کی تلاش کے لئے مقامی افراد نے عارضی کشتیاں بنالی ہیں، مقامی افراد کی بڑی تعداد امدادی سرگرمیوں میں مصروف ہے۔