(فاران یامین)کیولری گرؤانڈ ذوالفقار لائن میں شہری کے گھر میں آتشزدگی،آگ معمولی تلخ کلامی پر ہمسائے نے لگائی۔
تفصیلات کے مطابق کیولری گرؤانڈ کے علاقے میں رہائش پذیر شہری ایگزیکٹو انجینئر ممتاز الحق قریشی نے الزام لگایا ہے کہ ہمسائے نے اس کے گھر میں آگ لگا دی، اہل علاقہ نے اپنی مدد آپ کے تحت آگ پر قابو پایا۔
بتایا گیا ہے کہ آگ سنی نامی ہمسائے کی جانب سے لگائی گئی،اطلاع ملتے ہی پولیس کی بھاری نفری موقع پر پہنچ گئی ،پولیس نے گھر کی مکمل تلاشی لی، مگر آگ لگانے والا شخص سنی ہاتھ نہ آیا۔
متاثرہ شخص ممتاز الحق قریشی نے بتایا کہ جس وقت آگ لگائی ،گئی ان کی فیملی ایک فنکشن میں گئی تھی،سنی پہلے بھی متعدد بار دھمکیاں دیتا رہا ہے،دن کے وقت سنی نامی ہمسائے نے گاڑی کے ٹائر پنکچر کر دیئے تھے۔پولیس کے مطابق ملزم سنی کو جلد گرفتار کر لیں گے۔
آگ لگنے کے باعث خوش قسمتی سے کوئی جانی نقصان نہیں ہوا لیکن گھر کا قیمتی سامان جل کر خاکستر ہو گیا۔