(وقاص احمد)  نشتر کالونی آپریشن ونگ پولیس نے  کارروائی کرتے ہوئے شہریوں کو ورغلا کر رقم ہتھیانے والا جعلی ڈیلر گرفتار کرلیا۔
ترجمان کے مطابق ملزم نے آشیانہ سوسائٹی میں گھر کرایہ پر لے رکھا تھا،  ملزم مالک مکان کو بتائے بغیر دیگر پارٹی کو 4 لاکھ کے عوض گھر گروی دیکر رفوچکر ہوگیا ۔ مالک مکان کے کرایہ مانگے پر پتہ چلا کہ ملزم مکان گروی دے کر رقم سمیت فرار ہو ہوگیا ہے۔

درخواست موصول ہونے پر ایس پی ماڈل ٹاؤن نے ملزم کی گرفتاری کیلئے سپیشل ٹیم تشکیل دیتے ہوئے ملزم کو  گرفتار کرلیا۔ گرفتارملزم شاہزیب سے 4 لاکھ نقدی برآمد کرتے ہوئے مقدمہ درج کرلیا گیا ہے، مزید تفتیش جاری ہے۔