سٹی42: لاہور بورڈ کی جانب سے میٹرک کے امتحانات کے نتائج کا اعلان کردیا گیا ہے۔
کنٹرولربورڈ زاہدمیاں کےمطابق 2 لاکھ 50 ہزار سےزائد طلبا امتحانات میں شریک ہوئے جس میں سے 1 لاکھ 74 ہزارطلبا میٹرک امتحانات میں پاس ہوئے ہیں۔ میٹرک امتحانات میں کامیابی کا تناسب 69.75 فیصد رہا ہے۔
سائنس گروپ میں 73.91 فیصد طلبا پاس ہوئے،آرٹس گروپ میں 55 فیصد طلبا پاس ہوئے ہیں جبکہ دوسری جانب 267 نقل کےکیسز اور 60 سےزائد ایف آئی آر طلباء کے خلاف درج ہوئیں۔
سائنس گروپ میں 80 فیصد لڑکیاں جبکہ 67 فیصد لڑکےپاس ہوئے ہیں۔آرٹس گروپ میں 63 فیصد لڑکیاں جبکہ 38 فیصد لڑکے کامیاب ہوئے ہیں۔