اسرار خان: لاہور کے علاقہ گارڈن ٹاؤن میں پٹرول پمپ کی ٹک شاپ میں خواتین کو ہراساں کرنے کا معاملہ، لڑکیوں نے شاپ پر کام کرنے والے لڑکے کی پٹائی کردی، ویڈیو بھی سوشل میڈیا وائرل ہوچکی ہے۔
تفصیلات کےمطابق ویڈیو میں بتایا جارہا ہے کہ یہ لڑکیاں کسی با اثر وکیل کی بیٹیاں ہیں، یہ یہاں پر شاپنگ کرنے آئی ہیں اور ہمارے ہلیپر یوسف کو زدکوب کیا، ویڈیو میں سی سی پی او لاہور اور وزیراعلیٰ پنجاب مریم نواز سے انصاف کی اپیل کی گئی ، لڑکیوں نے تشدد کے بعد ہراسمنٹ کا پرچہ کرا کے لڑکے کو تھانہ گارڈن ٹاون میں بھجوا دیا، لڑکیوں نے الزام لگایا کہ لڑکے نے اُن کو ہراساں کیا ہے۔
پولیس نے ویڈیوثبوتوں کی بنیاد پر دونوں لڑکوں کو چھوڑ دیا،پولیس کا کہناتھا کہ لڑکوں کی جانب سے خواتین کےخلاف کوئی درخواست موصول نہیں ہوئی، درخواست موصول ہونے پر خواتین کےخلاف بھی قانونی کارروائی کی جائے گی۔
پولیس کے مطابق ایک لڑکی ایمان زہرہ نے ہراسمنٹ کا مقدمہ درج کرواکے دو سیلز مینوں کو گرفتار کروا دیا ہے,مدعیہ ایمان زہرہ کے مطابق دونوں سیلزمین نے نازیبا اشارے کیے تھے، شکایت کی تو کیشیئر کے ساتھ مل کر سیلز مین یوسف نے گالیاں دیں، مقدمے میں پولیس نے ہراسانی کی غلط دفعات لگائیں جس کے عدالت نے مقدمہ خارج کردیا۔