نعیم :سرگودھا میں عدالت سے واپسی پر مخالفین پر فائرنگ کا واقعہ پیش آیا ہے، جس کے نتیجے میں 4 افراد جاں بحق اور 6زخمی ہوگئے۔

 تفصیلات کے مطابق خوشاب روڈ پر سبھروال کے قریب کار پر فائرنگ ہوئی، 54 چک شمالی کے رہائشی عدالت سے جا رہے تھے کہ واپسی پر مخالفین نے فائرنگ کرکے 4 افراد کو قتل کردیا۔

 عینی شاہدین نے بتایا کہ ملزمان کار پر پانچ منٹ تک فائرنگ کرتے رہے۔

 ریسکیو حکام کے مطابق فائرنگ سے زخمی ہونے والے 6افراد راہ گیر ہیں جبکہ  مقتولین کی شناخت کا عمل جاری ہے۔