ویب ڈیسک: پاکستانی اداکارہ ہانیہ عامر نے انسٹاگرام فالوورز کی دوڑ میں ایک اور سنگِ میل عبور کرلیا۔
ڈمپل گرل ہانیہ عامر اپنے ڈانس، مزاحیہ سوشل میڈیا پوسٹس، ٹرینڈنگ رِیلز میں بڑھ چڑھ کر حصہ لینے کی وجہ سے سوشل میڈیا پر اپنا ایک نمایاں مقام رکھتی ہیں۔ان کے پاس انسٹاگرام پر سب سے زیادہ فالو کی جانے والی پاکستانی سیلیبرٹی ہونے کا اعزاز تو تھا ہی لیکن اب انہوں نے اپنےا س ریکارڈ کو مزید پختہ بناتے ہوئے ساتھی فنکاروں کو ٹکر دے دی۔
یہ نیا سنگِ میل ہانیہ عامر کو پاکستان کی ان چند سیلیبریٹیز میں شامل کرتا ہے جنہوں نے دنیا بھر میں اتنی بڑی فین فالوونگ حاصل کی۔
ہانیہ عامر انسٹاگرام پر 17 ملین فالورز حاصل کرنے والی پاکستان کی پہلی اداکارہ بن گئی ہیں۔
یاد رہے کہ ہانیہ اپنی خوبصورتی، ٹیلنٹ، اور معصومیت کی وجہ سے مشہور ہیں، چاہے وہ ان کی ڈراموں میں بہترین اداکاری ہو یا انسٹاگرام پر ان کے دلکش پوسٹس ہانیہ ہمیشہ خبروں میں رہتی ہیں۔ہانیہ عامر کو ناصرف پاکستان بلکہ دنیا بھر میں مداح خوب محبت اور احترام سے نوازتے ہیں، اس کی واضح دلیل ان کا دلجیت دوسانجھ کے کنسرٹ میں اسٹیج پر جانا ہے۔