سٹی42: منگل کی شب دھند کے سبب پنجاب میں  موٹر ویز کی بندش شروع ہو گئی۔

 منگل کی شب پہلے لاہور سیالکوٹ موٹر وے بند کر دی گئی اس کے بعد موٹروے ایم 4شور کوٹ سے فیصل آباد تک دھند کی وجہ سے بند کرنا پڑ گئی۔ موٹروے ایم 5 فائیو اوچ شریف سے ظاہر پیر  کو بھی دھند کی وجہ سے بند کر دیا گیا۔
لاہور سیالکوٹ موٹر وے  ایم الیون پر کئی مقامات پر دھند کی زیادتی کی وجہ سے حدِ نگاہ صفر ہو گئی ہے۔ یہ ہی حال ایم 4 موٹر وے پر بھی ہے۔
حد نگاہ میں کمی کے باعث حادثات سے بچنے کے لئے  لاہور سیالکوٹ موٹروے ایم 11 کو ٹریفک کے لئے بند کر دیا گیا۔

موٹروے ایم تھری سمندری سے درخانہ تک دھند کے باعث بند کر دی گئی ہے.