(طاہر جوئیہ) بہاولپورمیں افسوسناک ٹریفک حادثہ پیش آیا ہے جہاں مسافر بس موڑ کاٹتے ہوئے بے قابو ہو کر کھائی میں جا گری۔ جس کے نتیجے میں 3 مسافر جاں بحق جبکہ 17 افراد شدید زخمی ہوگئے ہیں۔
تفصیلات کے مطابق حادثہ نوشہرہ کے قریب پیش آیا، بس اسلام آباد سے کراچی جا رہی تھی۔ مسافروں کا تعلق ہری پور، گلگت بلتستان سے ہے۔
دوسری جانب ریسکیو ذرائع کے مطابق جاں بحق مسافروں کی تاحال شناخت نہیں ہوسکی ہے۔ جاں بحق ہونے والوں میں ایک خاتون مسافر اور دو مرد ہیں۔