(ویب ڈیسک) دنیا کی مشہور کمپنی مائیکروسافٹ کے ماہرین نے ایک ایسی ٹیکنالوجی تیار کر لی ہے جس کے ذریعے لوگ اب اپنے مردہ رشتہ داروں کیساتھ گفتگو کر سکیں گے۔

برطانوی میڈیا کے مطابق ماہرین نے گھوسٹ بوٹ (Ghostbot) کے نام سے ایپلی کیشن تیار کی ہے جس سے مرنے والوں کی آڈیوز، ویڈیوز اور سوشل میڈیا پوسٹس کے ذریعے ان کے الفاظ کو سمجھنے کے ساتھ ساتھ انہی کی طرح گفتگو کرے گی۔

رپورٹ کے مطابق ایپلی کیشن ایمازون الیگزا اور گوگل نیسٹ کے اشتراک سے استعمال کی جا سکے گی۔ یہ نہ صرف آواز بلکہ مرنے والی کی ویڈیوز اور تصاویر کے ذریعے اس کی شکل و صورت کو سمجھ کر اس کا ’ٹو ڈی‘ یا ’تھری ڈی‘ ماڈل بھی بنائے گی اور  یوزر کو ایسا محسوس ہوگا جیسے وہ آدمی سکرین میں واقعی آپ کے ساتھ بات کر رہا ہے۔

اس ایپلی کیشن کے ذریعے لوگ اپنے مرنے والوں سے جو بھی بات کریں گے وہ اس کا جواب دے گا۔ مائیکروسافٹ نے اس حیران کن ایجاد کی سند حق ایجاد حاصل کرنے کیلئے درخواست دے دی ہے۔