قیصر کھوکھر: وزیراعلیٰ پنجاب سردار عثمان بزدار نے کہا ہے کہ اپوزیشن کی بے مقصد جلسوں اور ریلیوں کی منفی سیاست کو یکسر رد کر دیا ہے، اپوزیشن والے کبھی بھی اسمبلیوں سے استعفیٰ نہیں دیں گے۔

وزیراعلیٰ پنجاب سردار عثمان بزدار نے اپنے ایک بیان میں کہا ہے کہ عوام نے اپوزیشن کے بے مقصد جلسوں اور ریلیوں کی منفی سیاست کو یکسر رد کر دیا ہے، اپوزیشن والے کبھی بھی اسمبلیوں سے استعفیٰ نہیں دینگے، استعفوں کے معاملے پر پی ڈی ایم میں پھوٹ پڑ چکی ہے۔

 عثمان بزدار کا کہنا  تھا کہ اپوزیشن عوامی مینڈیٹ کا احترام نہ کرکے جمہوری اقدار کی توہین کر رہی ہے، الزامات لگانے والے پہلے اپنے کرپشن آلود گریبانو ں میں جھانکیں، مسترد شدہ عناصر محض اپنا سیاسی قد بڑھانے  کے لئے  تنقید برائے تنقید کر رہے ہیں۔

 انہوں نے کہا کہ حکومت نے عوام کی فلاح و بہبود  کے لئے عملاً اقدامات کئے، وزیراعظم عمران خان کی صورت میں پاکستان کو کھرا اور مخلص لیڈر ملا ہے، اڑھائی برس کے دوران وہ کام کئے جو سابقہ حکومتیں برس ہا برس نہ کر سکیں۔

 انہوں نے کہا کہ صوبے میں ون مین شو کاخاتمہ کیا ہے، ترقیاتی منصوبے عوامی نمائندوں کی مشاورت سے مکمل کئے جا رہے ہیں۔