ویب ڈیسک:امریکی صدر ڈونلڈ ٹرمپ کی انتظامیہ نے غیر قانونی تارکین وطن کے خلاف وسیع پیمانے پر کارروائی کا آغاز کر دیا ، 538 غیر قانونی تارکین وطن کو گرفتار کیا گیا جبکہ سیکڑوں افراد کو فوجی طیاروں کے ذریعے ملک بدر کر دیا گیا۔
دفاعی حکام کے مطابق دو فوجی طیارے گواتیمالا روانہ کیے گئے، جنہوں نے 265 افراد کو ڈیپورٹ کیا، پہلا طیارہ ریاست ٹیکساس کے شہر ایل پاسو سے 80 افراد کے ساتھ روانہ ہوا جبکہ دوسرا طیارہ ٹکسن سے روانہ ہوا، جس میں 80 افراد سوار تھے جبکہ تیسرا طیارہ دوبارہ ریاست ٹیکساس سے ایل پاسو روانہ ہوا، جس میں 105 افراد موجود تھے۔
دوسری جانب وائٹ ہاؤس کی ترجمان کیرولین لیوٹ کے مطابق 538 گرفتار افراد میں سے 373 مجرمانہ ریکارڈ رکھتے تھے جبکہ 165 افراد کو صرف امیگریشن قوانین کی خلاف ورزی پر گرفتار کیا گیا۔
امریکی صدر ٹرمپ نے شمالی کیرولائنا میں ایک پریس کانفرنس کے دوران کہا کہ ’ہم خطرناک اور سخت مجرموں کو نکال رہے ہیں، یہ لوگ بدترین جرائم میں ملوث رہے ہیں اور ہم ان پر پہلے توجہ دے رہے ہیں۔
امریکا میں امیگریشن قوانین میں سختی کے بعد امیگریشن اینڈ کسٹمز انفورسمنٹ کو ہدایت دی گئی ہے کہ وہ غیر قانونی طور پر داخل ہونے والے افراد کو فوری طور پر ڈیپورٹ کریں اور انہیں پناہ کی درخواست دینے کا موقع نہ دیں۔
امریکی میڈیا کے مطابق میکسیکو نے ابتدائی طور پر جمعرات کو ایک امریکی فوجی طیارے کو اپنے ملک میں اترنے کی اجازت دینے سے انکار کر دیا تھا تاہم امریکی حکام کے مطابق یہ معاملہ ایک انتظامی مسئلہ تھا جسے جلد ہی حل کر لیا گیا۔
واضح رہے کہ صدر ڈونلڈ ٹرمپ کی کامیابی کے بعد سے امریکا اور میکسیکو جو کہ طویل عرصے سے اتحادی اور پڑوسی ہیں کے تعلقات میں تناؤ بڑھا ہے۔
ٹرمپ نے میکسیکو پر 25 فیصد یکساں ٹیرف عائد کرنے کی دھمکی دی ہے تاکہ میکسیکو کے راستے امریکا میں داخل ہونے والے تارکین وطن کو روکا جا سکے، تاہم ابھی تک یہ ٹیرف نافذ نہیں کیا گیا ہے۔
امریکا میں انسانی حقوق کی تنظیموں نے امیگریشن پالیسیوں پر تنقید کرتے ہوئے خبردار کیا ہے کہ اس کریک ڈاؤن سے شہریوں اور قانونی حیثیت رکھنے والے افراد کو بھی غلطی سے نشانہ بنایا جا سکتا ہے۔
رپورٹ کے مطابق 2015ء سے 2020ء کے درمیان 70 امریکی شہریوں کو غلطی سے ڈیپورٹ کیا گیا تھا۔
January 01, 2025
January 01, 2025
شاہد سپرا: لیسکو (لاہور الیکٹرک سپلائی کمپنی) کا رینجرز کی مدد سے شہر کے مختلف علاقوں میں بجلی چوری کے خلاف بھرپور آپریشن جاری، 7 روز کے دوران لیسکو نے شہر بھر میں ایک ارب 50 کروڑ روپے کی بجلی چوری پکڑی ہے۔
لیسکو کی جانب سے جاری کیے گئے بیان کے مطابق، آپریشن میں گھریلو، کمرشل اور صنعتی صارفین کو بجلی چوری کرتے ہوئے پکڑا گیا۔ علاوہ ازیں، شہر کے مضافاتی علاقوں میں واقع ٹیوب ویلز میں بھی بجلی چوری کی بڑی مقدار پکڑی گئی۔
لیسکو کے چیف شاہد حیدر نے بتایا کہ رینجرز کی معاونت کے بغیر بااثر بجلی چوروں کے خلاف آپریشن کرنا مشکل ہو رہا تھا، جس پر وفاقی حکومت سے درخواست کر کے لیسکو میں رینجرز کی تعیناتی کی گئی۔ وفاقی حکومت کے تعاون سے اس آپریشن کو کامیابی کے ساتھ جاری رکھا جا رہا ہے۔
شاہد حیدر نے مزید کہا کہ لیسکو کے افسران و ملازمین بھرپور مستعدی سے کام کر رہے ہیں اور رینجرز نے بڑے بجلی چوروں کو پکڑنے میں اہم کردار ادا کیا ہے۔
خضدار میں ایم 8 قومی شاہراہ پر کھوڑی کے مقام پر دھماکا ہوا ہے۔
لیویز حکام کے مطابق دھماکے میں ایک شخص جاں بحق اور 7 افراد زخمی ہو گئے۔حکام نے بتایا کہ دھماکا خیز مواد سڑک کنارے کھڑی کار میں نصب کیا گیا تھا۔
لیویز حکام کا کہنا ہے کہ سڑک کنارے بس کے گزرتے ہی دھماکا ہو گیا تھا، جاں بحق اور زخمی مسافر بس میں سوار تھے۔
حکام نے کہا کہ زخمیوں کو ٹراما سینٹر خضدار منتقل کر دیا گیا ہے۔
January 01, 2025
January 01, 2025
دلشاد راؤ: وزیراعلیٰ پنجاب مریم نواز نے کہا ہے کہ ریاست ماں کے جیسی ہے ،ماں کو بے گھر بچوں کا زیادہ احساس ہوتاہے،اپنی چھت، اپنا گھر پاکستان کا سب سے بہترین ہاؤسنگ پراجیکٹ ثابت ہوگا۔
وزیراعلیٰ مریم نواز کا کہنا تھا، دل چاہتا ہے کہ پنجاب میں کوئی بھی بے گھر نہ رہے، اپنی چھت، اپنا گھر میں سفارش نہیں میرٹ پر قرض ملے گا۔
پورٹل پر ملنے والی درخواستوں کی تصدیق3غیر جانبدار مائیکر وفنانس ادارے کررہے ہیں۔ایک سال میں ایک لاکھ او 5سال میں 5لاکھ گھر بنانے کا ہدف حاصل کیا جائے گا۔
وزیراعلی مریم نوازکا اپنی چھت، اپنا گھر پروگرام تاریخی کامیابی سے ہمکنار ہے ،صوبہ بھر میں 9ہزار سے زیادہ افراد کو ساڑھے 8ارب سے زیادہ بلاسود قرض جاری کیا گیا۔
چند ماہ کی مختصر مدت میں ساڑھے 8ارب کے مائیکروفنانس قرض کا منفردریکارڈ مثبت پیشرفت ہے۔مختصر ترین مدت میں کے پورٹل پر 4لاکھ سے زائد درخواستیں جمع ہونے کا ریکارڈ بن گیا۔
پروگرام کے تحت 5ہزار سے زائد گھر تیزی سے تکمیل کے حتمی مراحل میں داخل ہو چکے ہیں۔وزیراعلی نے اپنی چھت، اپنا گھر پراجیکٹ کے اہداف حاصل کرنے کی ضرورت پرزور دیا۔
جنید ریاض:پاکستانی طالبہ رانیہ علی نے بہترین مندوب کا ایوارڈ جیت لیا۔
رانیہ علی کو دبئی میں ہارورڈ ماڈل اقوام متحدہ کانفرنس میں ایوارڈ دیا گیا، رانیہ علی کا تعلق لرننگ الائنس انٹرنیشنل سکول سے ہے، کانفرنس کا انعقاد ہارورڈ یونیورسٹی کے زیر اہتمام کیا گیا تھا۔
کانفرنس میں 35 سے زائد ممالک کے 1,000 مندوبین نے شرکت کی تھی۔
رانیہ علی نے سفارتکاری، تنقیدی سوچ کی غیر معمولی صلاحیتوں پر نمایاں کارکردگی دکھائی، ایوارڈ جیتنے کے بعد اپنی خوشی کا اظہار کرتے ہوئے رانیہ علی کا کہنا تھا کہ مجھے فخر ہے کہ میں نے دنیا کے سامنے اپنے ملک کا مثبت تشخص پیش کیا۔
January 01, 2025
January 01, 2025
کوہاٹ کے علاقے محمد زئی میں گھر کے اندر دستی بم پھٹنے سے 2 خواتین جاں بحق ہوگئیں۔
ریسکیو ذرائع کے مطابق دھماکے سے 2 بچے اور ایک خاتون شدید زخمی ہوگئی، زخمیوں کو ابتدائی طبی امداد فراہم کرنے کے بعد ڈسٹرکٹ ہیڈ کوارٹرز ہسپتال کوہاٹ منتقل کر دیا گیا ہے۔
ذرائع کے مطابق پولیس کا کہنا ہے کہ ابتدائی اطلاعات کے مطابق دستی بم گھر میں موجود تھا جو اچانک پھٹ گیا، گھر کے اندر دستی بم پھٹنے کی تحقیقات کر رہے ہیں جس کے بعد ہی حقائق کا علم ہو سکے گا۔
ویب ڈیسک: پاکستان ڈارمہ انڈسٹری کی معروف اداکارہ یمنیٰ زیدی ان دنوں قطر میں ہیں، سوشل میڈیا پر انہوں نے وہاں اپنے سیروتفریح سے لطف اندوز ہوتے ہوئے مختلف پوسٹ شیئر کیں۔
تفصیلات کےمطابق یمنیٰ زیدی کا شمار ان اداکاراؤں میں کیا جاتا ہے جو جس پراجیکٹ کا حصہ بن جائیں وہ کامیابی سے ہمکنار ہوجاتا ہے۔
ڈراما ’تیرے بن‘ ، ’ پری زاد‘ ، ’صنفِ آہن‘ اور ’یہ رہا دل‘ جیسے ڈراموں میں بہترین اداکاری کے جوہر دکھانے والی اداکارہ یمنیٰ زیدی فلمی میدان میں بھی اپنی پرفارمنس کے جوہر دکھا چکی ہیں۔
لاکھوں دلوں پر راج کرنے والی اداکارہ یمنیٰ زیدی ان دنوں قطر میں موجود اپنا قیمتی وقت گزار رہی ہیں اور ساتھ ہی دلکش تصاویر سوشل میڈیا کی زینت بھی بناتی نظر آرہی ہیں۔
حال ہی میں فوٹو اینڈ ویڈیو شیئرنگ ایپ انسٹاگرام پر یمنیٰ زیدی نے پوسٹ شیئر کی جس میں انہیں مشرق وسطیٰ کے خوبصورت ملک قطر میں چھٹیاں مناتے اور صحرا میں موج مستی کرتے دیکھا گیا۔
ویڈیو میں اداکارہ نے عرب ثقافت کو اپناتے ہوئے خوبصورت روایتی عربی انداز میں کفیہ پہن رکھا ہے،خوبصورت ویڈیو شیئر کرتے ہوئے یمنیٰ زیدی نے کیپشن میں لکھا کہ،’غروب آفتاب ہو، صحرا ہو، میں ہوں اور قطر ہو‘۔
دوسری جانب سوشل میڈیا صارفین یمنیٰ زیدی کی دلکش ریل کو بے حد پسند کرتے نظر آرہے ہیں اور کمنٹ سیکشن میں تعریفیں بھی کر رہے ہیں۔
January 01, 2025
January 01, 2025
احمد منصور : کاکول اکیڈمی میں تربیتی پروگرامز ، کیڈٹس مختلف مشقوں میں حصہ لیں گے.
جوائنٹ ملٹری ٹریننگ 154ویں لانگ کورس کا سلیوٹنگ ٹیسٹ پاکستان ملٹری اکیڈمی کاکول میں منعقد ہوا۔
تقریب میں 154ویں لانگ کورس، 37ویں ٹیکنیکل گریجویٹ کورس، 70ویں انٹیگریٹڈ کورس، اور 25ویں لیڈی کیڈٹ کورس کے کیڈٹس نے شرکت کی۔
پہلی مشترکہ فوجی تربیت میں 485 پاک آرمی، 111 پاک بحریہ اور پاک فضائیہ کے 42 کیڈٹس شامل تھے۔
کیڈٹس پاکستان ملٹری اکیڈمی میں مشترکہ تربیتی ماڈیولز اور مشقوں میں حصہ لیں گے۔
تقریب میں کمانڈنٹ پی ایم اے نے آرمی، نیوی اور ایئر فورس کے نئے بھرتی ہونے والے کیڈٹس سے خطاب کرتے ہوئے کہا کہ پاکستان ملٹری اکیڈمی میں بحریہ اور فضائیہ کے کیڈٹس کی شمولیت سےقیادت، عسکری حکمت عملی اور مشترکہ آپریشنز کے حوالے سے ایک جامع، کثیر خدماتی نقطہ نظر کو فروغ ملے گا۔
انہوں نے کہا کہ مشترکہ تربیتی پروگرام مسلح افواج میں باہمی تعاون اور مشترکہ فوجی مہارت کی ترقی میں ایک اہم سنگ میل ثابت ہوگا۔
ویب ڈیسک: امریکی ریاست کیلی فورنیا کو آگ کے بعد سیلاب سے نقصانات کا سامنا ہونے کا اندیشہ ہے۔
امریکی حکام کی جانب سے پیش گوئی کی گئی ہے کہ موسم سرما کی پہلی شدید بارشوں سے سیلاب کا خدشہ ہے۔
دوسری جانب امریکی میڈیا کے مطابق فائر فائٹرز لاس اینجلس میں لگی آگ بجھانے کی کوششوں میں تاحال مصروف ہیں۔
رپورٹ کے مطابق خوفناک آتشزدگی کے نتیجے میں اب تک 38 ہزار ایکڑ رقبہ راکھ کا ڈھیر بن چکا ہے جبکہ 15 ہزار مکانات جل کر راکھ ہوچکے ہیں۔
امریکی میڈیا کے مطابق آگ لگنے سے بڑی تعداد میں مکانات تباہ ہونے کے سبب کاؤنٹی میں گھروں کے کرایوں میں 20 فیصد اضافہ ہوگیا ہے۔
واضح رہے کہ امریکی شہر لاس اینجلس کی آگ کو امریکی تاریخ کی سب سے مہلک قدرتی آفت قرار دے دیا گیا ہے۔
میڈیا رپورٹ میں بتایا گیا تھا کہ ہیوز، ویٹورا، پیلیسڈس اور ایٹن کے علاقوں میں 77 فیصد تک آگ پر قابو پالیا گیا ہے جبکہ 38 ہزار ایکڑ رقبہ اور 15 ہزار املاک جل کر راکھ ہوگئیں۔
لاس اینجلس میں لگنے والی آگ سے معاشی نقصان کا تخمینہ 250 بلین ڈالر سے زائد ہوا وہیں 12 ہزار ملازمتیں بھی ختم ہوگئیں ہیں۔
January 01, 2025
January 01, 2025
ویب ڈیسک : گرین لینڈ خریدنے کی بات پر ٹرمپ اور ڈنمارک کے وزیراعظم کے درمیان ٹیلی فون پر تلخ کلامی ہوگئی ، ٹرمپ نے ایک بار پھر گرین لینڈ امریکا کو بیچنے پر زور دیا۔
امریکی میڈیا کے مطابق امریکی صدر ڈونلڈ ٹرمپ اور وزیراعظم ڈنمارک میٹے فریڈرکسن کے درمیان ٹیلی فونک رابطہ ہوا جس میں ٹرمپ نے ایک بار پھر گرین لینڈ امریکا کو بیچنے پر زور دیا۔
میڈیا رپورٹس کے مطابق فون کال کے دوران امریکی صدر کا انداز جارحانہ تھا۔ ڈونلڈ ٹرمپ نے ڈنمارک کے انکار پر سخت الفاظ استعمال کیے۔
امریکی صدر نے ٹیلی فونک رابطے کے دوران ٹارگیٹڈ ٹیرف سمیت مخصوص اقتصادی اقدامات کی دھمکیاں بھی دیں۔ ٹرمپ نے اس پر زور دیا کہ وہ گرین لینڈ کے حوالے سے اپنے موقف میں سنجیدہ ہیں۔
ڈنمارک اور گرین لینڈ کے حکام ٹرمپ کو پہلے ہی واضح طور پر کہہ چکے ہیں کہ گرین لینڈ فروخت کے لیے نہیں ہے، گرین لینڈ پر قبضے کے ڈونلڈ ٹرمپ کے فیصلے نے دونوں ممالک کے شہریوں کو تشویش میں مبتلا کر دیا ہے۔
واضح رہے کہ ٹرمپ کی گریند لینڈ پر نظریں پہلی مرتبہ صدارت میں آنے کے بعد سے ہی جمی ہوئی ہیں، وہ 56,000 افراد پر مشتمل جزیرے خریدنا چاہتے ہیں۔
صدر ٹرمپ نے جنوری کے آغاز میں دھمکی دی تھی کہ اگر ڈنمارک نے گرین لینڈ امریکہ کے حوالے نہ کیا تو اس کے خلاف ٹیرف عائد کیے جائیں گے۔
ویب ڈیسک: سال 2025 کے پہلے ماہ نیشنل ڈیٹا بیس اینڈ رجسٹریشن اتھارٹی(نادرا) کی جانب سے قومی شناختی کارڈ اور ’بی-فارم‘کی فیسیں بغیر کسی تبدیلی کے برقرار رکھی گئی ہیں۔
تفصیلات کےمطابق کمپیوٹرائزڈ قومی شناختی کارڈ (CNIC) پاکستان کے شہریوں کے لیے مختلف خدمات حاصل کرنے کے لیے ضروری ہے، جن میں ڈرائیونگ لائسنس، نیشنل ٹیکس نمبر (NTN)، بینک اکاؤنٹ، پاسپورٹ، اور موبائل فون کنکشن شامل ہیں۔
تمام پاکستانی شہری جن کی عمر 18 سال یا اس سے زیادہ ہے، سی این آئی سی حاصل کرنے کے حقدار ہیں، شناختی کارڈ صحت کی سہولت کے لیے بھی اہم ہے، کیونکہ یہ طبی ریکارڈ سے منسلک ہوتا ہے، اور تعلیم کے لیے بھی، کیونکہ یہ سکول میں داخلے کے لیے شناخت کی تصدیق کرتا ہے۔ مزید برآں، یہ سم کارڈ حاصل کرنے کے لیے بھی ضروری ہے۔
اہل افراد نادرا کے کسی بھی قریبی رجسٹریشن سینٹر میں مطلوبہ دستاویزات کے ساتھ شناختی کارڈ کے لیے درخواست دے سکتے ہیں۔
وزارت داخلہ کے تحت کام کرنے والے نادرا نے نئے سال کے آغاز کے ساتھ ہی سی این آئی سی کی فیس میں کوئی تبدیلی نہیں کی۔
اسمارٹ قومی شناختی کارڈ:عام فیس: 750 روپے
ارجنٹ شناختی کارڈ کی فیس: 1,500 روپے
ایگزیکٹو کیٹیگری: 2,500 روپے
درخواست دینے کے لیے ضروری دستاویزات:
پیدائشی سرٹیفکیٹ یا میٹرک کا رزلٹ کارڈ، خاندان کے کسی رکن کے CNIC کی کاپی۔
اسی طرح چائلڈ رجسٹریشن سرٹیفکیٹ (CRC)، جسے عام طور پر ’بی فارم‘ کہا جاتا ہے، چائلڈ رجسٹریشن سرٹیفکیٹ نادرا سسٹم میں اندراج کے لیے استعمال کیا جاتا ہے، یہ بچے کی قانونی شناخت کے طور پر کام کرتا ہے اور مختلف سرکاری خدمات کے لیے ضروری ہے۔
بی فارم کے حصول کی فیس:عام فیس: 50 روپے
ایگزیکٹو سروسز: 500 روپے ہے۔
January 01, 2025
January 01, 2025
(اقصیٰ شاہد) تکنیکی اور آپریشنل وجوہات کے باعث آج کراچی سے روانہ ہونے والی نو پروازیں منسوخ ہوگئیں۔
تکنیکی اور آپریشنل وجوہات کے باعث آج کراچی سے منسوخ ہونے والی پروازوں میں کراچی سے لاہورجانے والی سیرین ایئر کی پروازای آر522،کراچی سے اسلام آباد جانے والی سیرین ایئرکی پرواز ای آر 504 اور 502شامل ہیں۔
کراچی سے لاہورجانے والی ایئر سیال کی پرواز پی ایف 145،کراچی سے اسلام آبادجانےوالی ایئر سیال کی پرواز پی ایف 123، کراچی سے اسلام آبادجانے والی ایئر بلوکی پروازپی اے 200،کراچی سے گلف ایئر کی پرواز جی ایف 753 اورکراچی سے بیجنگ جانے والی ایئر چائنہ کی پرواز سی اے 946 بھی منسوخ ہوگئیں۔
کراچی سے دبئی جانے والی ایمریٹس کی پرواز ای کے 609 بھی منسوخ ہونے والی پروازوں میں شامل ہے۔
حاشر وڑائچ: وزیراعظم آزادکشمیر چوہدری انوارالحق کا بھارت کے یوم جمہوریہ کو یوم سیاہ منانے کے موقع پر خصوصی پیغام, کہا ہندوستان کی جمہوریت اور سیکولرازم دنیا کی آنکھوں میں دھول جھونکنے کیلئے سب سے بڑا فراڈ ہے.
تفصیلات کے مطابق وزیراعظم آزاد کشمیر کا اپنے پیغام میں کہنا تھا کہ ہندوستان میں اقلیتوں کو مذہبی آزادی ہے نہ ہی ان کے مذہبی مقامات محفوظ ہیں ، بھارتی جمہوریت کا راگ الاپنے کا مقصد جنگی جرائم کی پردہ داری ہے۔
جمہوریت کے دعویدار ہندوستان نے گزشتہ 7 دہائیوں سے کشمیریوں کا جمہوری حق سلب کر رکھا ہے، بھارت بدترین انسانی حقوق کی خلاف ورزیوں میں ملوث ہے۔
بھارت کا یوم جمہوریہ ہمارے لیے یوم سیاہ ہے، ہندوستان کا 5اگست 2019 کا اقدام اقوام متحدہ کی قراردادوں کی سنگین خلاف ورزی ہے،بھارت نے اقوام متحدہ کی قراردادوں کو بری طرح پامال کیا ہے۔
وزیراعظم آزاد کشمیر چوہدری انوار الحق کا کہنا تھا کہ وہ کشمیریوں کے جذبہ حریت کو خراج تحسین پیش کرتے ہیں،کشمیر کسی صورت بھارت کا حصہ ہے نہ کبھی ہو سکتا ہے۔
تحریک آزادی کے لئے کشمیریوں نے اپنی تیسری نسل قربان کردی ہے،کشمیری اقوام متحدہ کی قراردادو ں کے مطابق اپنا بنیادی حق حق خود ارادیت کے لئے اپنی جدوجہد جاری رکھیں گے۔
January 01, 2025
January 01, 2025
ویب ڈیسک:آسٹریلوی ٹینس سٹار ارینا روڈیونووا نے چونکا دینے والا اعلان کرکے مداحوں کو چونکا دیا۔ میڈیا رپورٹس کے مطابق آسٹریلین اوپن کے کوالیفائنگ راؤنڈ سے باہر ہونے کے بعد ٹینس اسٹار ارینا روڈیونووا نے شوہر ٹائی وکیری نے 9 سال بعد طلاق لینے کا فیصلہ کرلیا۔
ٹینس سٹار کی طلاق کی افواہیں 12 جنوری کو اس وقت سامنے آئیں جب روسی نژاد پلئیر نے انسٹاگرام پر شیئر کیا کہ اس نے اپنا نامناسب مواد تخلیق کرنے والے اکاؤنٹ لانچ کیا ہے۔
حال ہی میں میٹا پلیٹ فارم پر آسٹریلوی فٹبال لیگ کے سابق کھلاڑی ٹائی وکیری سے علیحدگی کا اعلان کرتے ہوئے انکے ہمراہ ویڈیو شیئر کی، جس میں انکا کہنا تھا کہ ہم ایک دوسرے سے بہت پیار کرتے ہیں لیکن اب اگے بڑھنے کا وقت آگیا۔
ویب ڈیسک:مستی گیٹ پولیس نے کارروائی کرتے ہوئے24 گھنٹوں میں 33 لاکھ کی رقم برآمد کرلی۔
پولیس کے مطابق شہری عدنان مارکیٹ میں اپنا سونا فروخت کر کے گھر جا رہا تھا،شہری نے 33 لاکھ سے بھرا شاپر موٹر سائیکل کے ہینڈل کے ساتھ لٹکا دیا۔کچھ دیر سفر کے دوران دیکھا کہ پیسوں سے بھرا شاپر غائب ہے۔
پولیس نے بتایا کہ شہری نے فوری 15 پر کال کر کے پولیس سے مدد طلب کر لی،مستی گیٹ پولیس نے فوری ریسپانس کرتے کارروائی کا آغاز کیاچند گھنٹوں کی کاوش سے پیسوں والے شاپر اٹھانے والے شہری کی شناخت ہو گئی۔
مستی گیٹ پولیس نے احسن اقدام اٹھاتے شہری سے رابطہ کیا اور تھانہ لے آئی۔شہری عدنان نے زندگی کی جمع پونجی واپس ملنے پر پولیس کا شکریہ ادا کیا ،دعائیں دیں۔
January 01, 2025
January 01, 2025
علی ساہی:صوبہ بھر میں لائسنسنگ سہولیات کا سلسلہ جاری، ایڈیشنل آئی جی ٹریفک کے احکامات پر کمرشل ،نان کمرشل لائسنس کی فراہمی کا سلسلہ جاری ہے۔
کمرشل کیٹگری میں رکشہ اور نان کمرشل میں کار موٹر سائیکل کے ڈرائیونگ ٹیسٹ جاری ہیں، صوبہ بھر میں اتوار کے روز رکشہ ڈرائیورز کے لیے کمرشل ٹیسٹ کا خصوصی انعقاد کیا گیا۔
ترجمان ٹریفک پولیس کا کہنا تھا کہ ایڈیشنل آئی جی ٹریفک ،سیکرٹری ٹرانسپورٹ کی کاوشوں سے کمرشل ٹیسٹ اتوار کے روز ہوا۔
پنجاب کے تمام اضلاع میں رکشہ ڈرائیوز کیلئے خصوصی کاؤنٹرز بنائے گئے ہیں،رکشہ کے خصوصی ڈرائیونگ ٹیسٹ کے انعقاد سے 17 ہزار سے زائد شہری مستفید ہو چکے۔
ایڈیشنل آئی جی ٹریفک کے احکامات پرموٹر سائیکل کے لرننگ لائسنس پر 42 دن کا ریلیف جاری کیا گیا۔
ایڈیشنل آئی جی ٹریفک مرزا فاران بیگ کا کہنا تھا کہ شہری ایک ہی دن میں لرننگ اور ریگولر لائسنس کی سہولت سے فائدہ اٹھائیں،صوبہ بھر میں ڈرائیونگ لائسنس کے حصول کیلئے خصوصی مہم جاری ہیں،شہری خصوصی مہم سے فائدہ اٹھائیں اور فوری ڈرائیونگ لائسنس بنوائیں۔
شہباز علی: چیئرمین پی سی بی محسن نقوی کی صائم ایوب کے حوالے سے گفتگو، چیئرمین پی سی بی کا کہنا تھا روزانہ کی بنیاد پر صائم ایوب سے رابطے میں ہوں۔
چیئرمین پی سی بی محسن نقوی کا کہنا تھا کہ صائم ایوب کا بحالی پروگرام چل رہا ہے ایک دو روز میں پلاسٹر اُتر جائے گا،پلاسٹر اُترنے کے بعد ریکوری کا عمل شروع ہوگا۔
ایک چیمپئنز ٹرافی کی وجہ سے صائم کامستقبل رسک پر نہیں ڈال سکتے ،،چیئرمین پی سی بی محسن نقوی کا مزید کہنا تھا کہ وہ خود صائم ایوب کو مانیٹر کرر ہے ہیں۔
January 01, 2025
January 01, 2025
اسرار خان: لاہور میں آرگنائزڈ کرائم یونٹ اور ڈاکوؤں کے درمیان شدید فائرنگ،ساتھیوں کی فائرنگ سے 1اشتہاری ملزم ہلاک،پولیس ملزموں کو ریکوری کے لئے لےجارہی تھی تو ملزم کے ساتھیوں نے فائرنگ کردی.
پولیس ٹیم ملزم عدنان عرف دانی کو برائے برآمدگی مال مسروقہ و اسلحہ علاقہ تھانہ اسلام پورہ لے جارہی تھی، دو موٹرسائیکلوں پر سوار4 نامعلوم ملزمان نے اپنے زیر حراست ساتھی ملزم کو چھڑوانے کے لیے پولیس پارٹی پر اندھا دھند فائرنگ کر دی۔
ساتھیوں کی فائرنگ سے ملزم عدنان عرف دانی شدید زخمی ہو گیا جس کو ہسپتال منتقل کیا جا رہا تھا جو کہ راستے میں ہی دم توڑ گیا۔
یاد رہے کہ ہلاک ملزم عدنان عرف دانی نے کچھ عرصہ قبل شرقپور شریف کے علاقہ میں شہری کو اندھا دھند فائرنگ کرکے ناحق قتل کر دیا تھا۔
اپنے ہی حملہ آور ساتھیوں کی فائرنگ کی زد میں آکر 1 کس حملہ آور شدید زخمی ہو گیا جس نے بعد از دریافت اپنا نام مبشر مسیح بتایا۔
زخمی ملزم مبشر نے مزید انکشاف کیا کہ اس نے اپنے تین ساتھیوں اعجاز عرف ججی ،اکرم عرف اکری اور یاسرمہتاب کے ساتھ مل کر اپنے ساتھی کو چھڑوانے کے لیے پولیس پارٹی پر حملہ کیا۔
زخمی ملزم مبشر مسیح کو برائے علاج معالجہ ہسپتال منتقل کیا جا رہا تھا جو کہ وہ بھی راستے میں ہی دم توڑ گیا۔
ڈی ایس پی دانش آصف رانجھا کا کہنا تھا کہ ہلاک ملزم ڈ کیتی ، رابری، نقب زنی اور موٹرسائیکلز سنیچنگ جیسی 54 سے زائد وارداتوں میں مطلوب تھا۔
ملزمان کی فائرنگ سے پولیس اہلکار معجزانہ طور پر محموظ رہے، ہلاک ہونے والے ملزمان کے دیگر ساتھی اندھیرے کا فائده اٹھاتے ہوئے فرار ہوگئے جن کی گرفتاری کے لیے علاقہ میں سرچ آپریشن جاری ہے۔
قیصرکھوکھر: حکومت پنجاب کا بڑا اعلان، محکمہ داخلہ نے کچے کے خطرناک ڈاکوؤں کے سر کی قیمت بارے دوسری فہرست جاری کر دی۔
دوسری فہرست میں کچے کے ڈاکوؤں کے سر کی قیمت 50 لاکھ اور 25 لاکھ روپے مقرر کی گئی، محکمہ داخلہ نے کچے کے 40 خطرناک ڈاکوؤں کے نام، تصاویر اور سر کی قیمت جاری کی۔
20 ڈاکوؤں کے سر کی قیمت 50 لاکھ اور 20 کی ہیڈ منی 25 لاکھ روپے مقرر کی گئی۔
50 لاکھ کی ہیڈ منی والے مطلوب ڈاکوؤں میں حبیب ولد علی بخش، قربان ولد لُنگ، فرحت ولد برکت، عیسیٰ ولد مراد، متارا ولد میوہ، ایوب عرف صداری ولد مراد، شیرا ولد وریام، عالمگیر ولد حاجی میر، غلام قادر عرف گمن ولد امداد مطلوب ڈاکو ہیں۔
علاوہ ازیں موج علی ولد اللہ دتہ، فیاض ولد تگیا، ہزارہ ولد میوہ، چھالو بکھرانی، وزیر الیاس بڑا، شاہو منڈا مطلوب ڈاکوؤں میں شامل ہیں
ابراہیم ولد قطب، شاہد ولد خان محمد، منیر الیاس ولد اکبر، جمیل ولد قادر بخش اور عاشق ولد اصغر کے سر پر 50 لاکھ روپے انعامی رقم مقرر کی گئی۔
25 لاکھ کی ہیڈ منی والے مطلوب ڈاکوؤں میں یعقوب ولد کٹی، شاہنواز ولد میر محمد، بشو ولد جنگال، چھوٹو ولد منظور ،عبدالستار ولد جمعہ، ملوک ولد ماہی وال، دوست محمد ولد عطاء اللہ، بہادر ولد عطاء اللہ، ظفر عرف ظفری ولد اللہ یار ، شبیر ولد دوست محمد، نواب ولد میر دوست، صابر دین ولد علی بخش، ستار ولد منظور، عبدالغنی ولد علی بخش مطلوب ڈاکو ہیں
شاہ مراد ولد دادو، فوج علی ولد چھترو، نذیر ولد دوسو، یٰسین ولد اللہ دتہ، وقار ولد عبدالرحمن اور حمزہ اندھڑ ولد منیر احمد کے سر پر 25 لاکھ روپے انعامی رقم مقرر کی گئی۔
محکمہ داخلہ اس سے قبل کچے کے 20 خطرناک ڈاکوؤں کے سر کی قیمت 1 کروڑ روپے مقرر کر چکا ہے۔
ترجمان محکمہ داخلہ پنجاب کا کہنا تھا کہ ڈاکوؤں کے بارے خفیہ اطلاع دینے کے لئےمحکمہ داخلہ کے واٹس ایپ نمبر 03334002653 پر رابطہ کریں، اطلاع دہندہ کا نام ہر صورت صیغہ راز میں رکھا جائے گا۔
January 01, 2025
January 01, 2025
ویب ڈیسک: وفاقی وزیرداخلہ محسن نقوی نے کہا ہے کہ انہوں نےامریکہ میں چین کیخلاف کسی تقریب میں شرکت نہیں کی،مخالفین کی جانب سے زہریلا پروپیگنڈا کیا جا رہا ہے نوجوانوں کی تقریب میں ان کی شرکت کو غلط رنگ دیا جا رہا ہے۔
امریکا کے شہر ہوسٹن میں میڈیا سے اہم گفتگو کرتے ہوئے انہوں نے کہا کہ کسی بھی اینٹی چائنہ فنکشن میں نہیں گیا اور اس قسم کے پروپیگنڈے سے کوئی فرق نہیں پڑتا۔
محسن نقوی نے واضح کیا کہ ان کے دورہ امریکا کا مقصد دہشت گردی کے خلاف ایک مؤثر حکمتِ عملی ترتیب دینا ہے۔ انہوں نے کہا کہ دہشت گردی صرف پاکستان کی جنگ نہیں بلکہ یہ سب کی مشترکہ لڑائی ہے اور پاکستان کے خلاف ہتھیار اٹھانے والوں سے آہنی ہاتھوں سے نمٹا جائے گا۔
وزیرداخلہ نے کہا کہ ان کا دورہ امریکا سیاستدانوں سے ملاقاتوں پر مشتمل ہے جن کا مقصد دہشت گردی کے خلاف مل کر ایک مؤثر پلان بنانا ہے۔ انہوں نے مزید کہا کہ امریکا کے ایوان نمائندگان کو پاکستان کے خلاف اکسایا جا رہا ہے لیکن سیاست اس حد تک نہیں ہونی چاہیے کہ پاکستان کو نقصان ہو۔
محسن نقوی نے کانگریس اراکین کے ساتھ ملاقاتوں کو مثبت قرار دیتے ہوئے کہا کہ دونوں ممالک کے درمیان تعلقات کو مزید مضبوط کرنے کے لیے مختلف پہلوؤں پر بات چیت کی گئی۔ انہوں نے زور دیا کہ پاکستان کے مسائل کے حل کے لیے عالمی برادری کا تعاون ضروری ہے۔
سیدتنویرنقوی: ضلع گجرات میں واقع دیونہ منڈی میں انوکھی چوری کا واقعہ پیش،نامعلوم عورت رفع حاجت کے بہانے شہری اسد اشفاق کے گھر کے واش روم سے پانچ سو روپے کی مالیتی شیمپو کی بوتل چوری کر کے فرار ہوگئی۔
تفصیلات کےمطابق تھانہ رحمانیہ پولیس نے انوکھا مقدمہ درج کرلیا، مقدمہ دوست کی مدعیت میں نامعلوم عورت کےخلاف شیمپو کی بوتل چوری کرنے کے الزام میں درج کیا گیا۔
مقدمہ 500 روپے مالیت کی شیمپو کی بوتل چوری کرنے پر درج کیا گیا۔
ایف آئی آر کے متن کےمطابق نامعلوم عورت رکشہ سے اتری رفع حاجت کے لئے گھر کے واش روم میں گئی اور شیمپو چوری کرکے فرار ہو گئی۔
January 01, 2025
January 01, 2025
سٹی42: ملک کے بیشتر علاقوں میں موسم سرد اور خشک جبکہ پہاڑی علاقوں میں شدید سرد رہنے کا امکان ہے۔
صبح سویرے سورج کی کرنوں سے شہر لاہور کی فضا میں خنکی میں کمی آئی ہے اور موجودہ درجہ حرارت 8 ڈگری سینٹی گریڈ ریکارڈ کیا گیا ہے۔ ہوا میں نمی کا تناسب 74 فیصد ریکارڈ کیا گیاہے۔ماہرین کے مطابق آئندہ 24 گھنٹوں کے دوران بارش کا کوئی امکان نہیں ہے، جس کے باعث فضائی آلودگی کی صورتحال میں مزید بگاڑ آ سکتا ہے۔
شہر لاہور میں فضائی آلودگی کی شرح ایک بار پھر بڑھ گئی ہے، جس کے نتیجے میں ایئر کوالٹی انڈیکس (AQI) 242 تک جا پہنچا ہے۔ عالمی درجہ بندی کے مطابق لاہور فضائی آلودگی کے حوالے سے سر فہرست ہے۔تفصیلات کے مطابق، شہر کی مختلف علاقوں میں فضائی آلودگی کی شرح میں قابل ذکر اضافہ ہوا ہے۔ شاہراہ قائداعظم پر ایئر کوالٹی انڈیکس 274 ریکارڈ کیا گیا جبکہ جوہر ٹاؤن میں یہ شرح 224، ڈی ایچ اے میں 239 اور کوٹ لکھپت میں 388 تک پہنچ گئی ہے۔ غازی روڈ انٹر چینج پر بھی آلودگی کی شرح 268 ریکارڈ کی گئی ہے۔
سندھ میں بارشوں میں کمی کے باعث خشک سالی کا خطرہ بڑھ گیا ہے، جس پر پی ڈی ایم اے (پاکستان ڈیزاسٹر منیجمنٹ اتھارٹی) نے الرٹ جاری کر دیا ہے۔ پی ڈی ایم اے کے مطابق، رواں سیزن کے دوران سندھ میں 52 فیصد کم بارش ریکارڈ کی گئی ہے، جو کہ خشک سالی کی صورتحال کو مزید سنگین کر سکتا ہے۔پی ڈی ایم اے نے پیش گوئی کی ہے کہ فروری اور مارچ تک موسم خشک رہنے اور خشک سالی میں مزید اضافہ ہونے کا امکان ہے۔ خاص طور پر نوشہروفیروز، سکھر، شہید بےنظیرآباد اور جامشورو کے اضلاع میں خشک سالی کا خدشہ ظاہر کیا گیا ہے۔
کراچی میں بھی پی ڈی ایم اے نے ڈپٹی کمشنرز کو متبادل انتظامات کی ہدایت دی ہے تاکہ ممکنہ آفات سے نمٹا جا سکے۔ اس کے علاوہ، دادو، خیرپور اور تھرپارکر کی ضلعی انتظامیہ کو بھی خشک سالی کے پیش نظر پیشگی انتظامات کرنے کی ہدایت کی گئی ہے۔پی ڈی ایم اے نے تمام متعلقہ اداروں اور انتظامیہ کو الرٹ رہنے اور خشک سالی کے اثرات کو کم کرنے کے لیے فوری اقدامات کرنے کی تاکید کی ہے۔
دوسری جانب محکمہ موسمیات کے مطابق کوئٹہ سمیت شمالی بلوچستان میں سردی کی لہر برقرار ہے، ملک کے بیشتر علاقوں میں موسم سرد اور خشک جبکہ پہاڑی علاقوں میں شدید سرد رہنے کا امکان ہے۔
ویب ڈیسک: سابق ٹی وی میزبان اور تجزیہ کار پیٹ ہیگسیتھ نے امریکا کے نئے وزیر دفاع کا عہدہ سنبھال لیا ہے۔
غیر ملکی میڈیا کے مطابق امریکی سینیٹ کی جانب سے توثیق کیے جانے کے بعد پیٹ ہیگسیتھ(Pete Hegseth) نے امریکہ کے ڈیفینس سیکرٹری (وزیر دفاع) کا حلف اٹھا لیا ہے۔
رپورٹ کے مطابق سینیٹ میں پیٹ ہیگسیتھ کو مختلف الزامات پر سخت سوالوں کا سامنا کرنا پڑا اور 3 ری پبلکن سینیٹرزنے بھی وزیردفاع کی مخالفت کی جس کے بعد ان کے حق اور مخالفت میں 50، 50 ووٹ پڑنے سے مقابلہ برابر ہوگیا تھا مگر بعد ازاں نائب امریکی صدر جے ڈی وینس نے فیصلہ کن ووٹ ڈال کر ہیگسیتھ کی توثیق کی۔
حلف برداری کے وزیر دفاع بعد پیٹ ہیگسیتھ نے اپنے پیغام میں کہاکہ میں امریکا کو اولیت دوں گا۔
واضح رہے 44 برس کے پیٹ ہیگسیتھ اس سے قبل امریکی ٹی وی کے جارحانہ میزبان اور تجزیہ کار بھی رہ چکے ہیں۔
January 01, 2025
January 01, 2025
ویب ڈیسک: نیشنل ٹیلی کام اینڈ انفارمیشن ٹیکنالوجی سیکیورٹی بورڈ نے وی پی این اور اے آئی استعمال کرنے والے صارفین کے سائبر حملوں سے متاثر ہونے کا خدشہ ظاہر کردیا۔
تفصیلات کے مطابق نیشنل ٹیلی کام اینڈ انفارمیشن ٹیکنالوجی سکیورٹی بورڈ نے نئی ایڈوائزر جاری کی ہے، ویب براؤزر ایکسٹینشنز ہیک سے متعلق ایڈوائزری جاری کی گئی ہے۔
ایڈوائزری میں کہا گیا ہے کہ ملک میں سائبر حملوں کی نئی مہم کا کھوج لگایا گیا ہے، ذاتی معلومات، کوائف چوری کرنے کے لیے براؤزر ایکسٹیشنز کا استعمال کیا جاتا ہے۔
فیس بک، بینکنگ ویب سائٹس کے ذریعے معلومات چوری کا خدشہ ہے، 16 عام ایکسٹینشنز بشمول وی پی این اور اے آئی چیٹ بوٹس مشتبہ ہیں، اے آئی اسسٹنٹ چیٹ جی پی ٹی اور جیمنی برائے کروم بھی مشتبہ ہے۔
ایڈوائزری میں کہا گیا ہے کہ اوپن اے آئی کے ساتھ جی پی ٹی 4 بھی مشتبہ ہے، ذاتی معلومات چوری کرنے کے لیے کوڈ فشنگ تکنیک کے ذریعے بھیجا جاتا ہے۔
علاوہ ازیں قابل اعتماد ایکسٹیشنز انسٹال کریں اور باقاعدگی سے اپ ڈیٹ کریں، لائسنس یافتہ اینٹی وائرس سافٹ ویئر استعمال کریں، مفت ایکسٹینشنز سے محتاط رہیں
ویب ڈیسک:بھارت کے قبضے کیخلاف کنٹرول لائن کے آر پار اور دنیا بھر میں مقیم کشمیری آج بھارت کے یوم جمہوریہ پر یوم سیاہ منا رہے ہیں۔
آج مقبوضہ جموں و کشمیر میں مکمل ہڑتال ہے، قابض فوج نے وادی کی اہم سڑکوں اور شاہراہوں پر اضافی چیک پوسٹیں قائم کر دیں، بڑی تعداد میں فورسز کے اہلکار تعینات کردیئے گئے ہیں۔
بھارتی فوجیوں نے ضلع کٹھوعہ میں بڑے پیمانے پر تلاشی آپریشن شروع کر دیا ہے ، کشتواڑ میں انتظامیہ نے 11 کشمیریوں کی املاک ضبط کر لیں ۔
یوم سیاہ پر آزاد کشمیر، پاکستان اور مختلف ممالک میں بھارت مخالف مظاہرے کئے جا رہے ہیں اور ریلیاں نکالی جا رہی ہیں ، اس دن کا مقصد عالمی برادری کو پیغام دینا ہے کہ کشمیری بھارت کے جبری قبضے کو مسترد کرتے ہیں۔
January 01, 2025
January 01, 2025
ویب ڈیسک : بین الاقوامی شہرت یافتہ پاکستان کے معروف گلوکار عاطف اسلم نے ٹیچر بن کر طالب علموں کو سرپرائز دے کر حیران کردیا۔
عاطف اسلم نے یونیورسٹی میں اپنے فینز اور مداحوں کو سرپرائز دینے سے متعلق ایک ویڈیو شیئر کی جس میں انہوں نے بتایا کہ وہ سرپرائز دینے جارہے ہیں۔
اس ویڈیو میں کلاس میں موجود ایک استاد نے طالب علموں کو عاطف کا نام لیے بغیر بتایا کہ آپ کے لیے ایک نئے ٹیچر رکھے ہیں، سب اچھے بچے بن کر بیٹھیں پھر ہم اُن کو بلاتے ہیں۔
اسی کے ساتھ عاطف اسلم گٹار بجاتے اور گانا گاتے ہوئے کلاس میں داخل ہوئے تو طالب علم انہیں دیکھ کر ہکا بکا رہ گئے اور انہوں نے تالیاں بھی بجائیں۔
اس موقع پر کلاس میں بیٹھے ایک لڑکے نے اپنی والدہ کو واٹس ایپ پر وائس نوٹ کر کے عاطف اسلم کی کلاس میں سرپرائز انٹری کی اطلاع بھی دی۔
آخر میں کلاس میں بیٹھی ایک لڑکی نے گٹار بجایا جس کے ساتھ عاطف اسلم نے ٹیبل پر بیٹھ کر گانا گایا اور پھر طالبہ کی تعریف بھی کی۔
ویب ڈیسک:رواں ماہ 15 اور 16 جنوری کی درمیانی شب اپنے گھر میں گھسنے والے شخص کے ساتھ مڈبھیڑ میں زخمی ہونے کے بعد اداکار سیف علی خان اور انکی اہلیہ کرینہ کپور کیجانب سے پولیس کو دیے گئے بیان میں فرق نے شک کے سائے مزید گہرے کردیے۔
سیف علی خان نے 23 جنوری کو اپنا بیان ریکارڈ کرایا جس میں انہوں نے خود پر حملے کی رات پیش آنے والے واقعے کا تفصیل سے ذکر کیا۔
اداکار نے پولیس کو دیے گئے بیان میں بتایا کہ وہ اور ان کی اہلیہ کرینہ کپور چیخوں کی آوازیں سُن کر اپنے بیٹے جے (جہانگیر) کے کمرے میں گئے تھے۔
جبکہ کرینہ کپور نے اپنے بیان میں کہا ہے کہ صرف سیف ہی جہانگیر کے کمرے میں گئے تھے، دونوں کے بیانات میں اس تضاد نے واقعے کی صداقت پر نیا سوال کھڑا کردیا ہے۔
اس سے قبل سیف علی خان کے گھر میں حملہ آور کے باآسانی داخل اور فرار ہونے کے علاوہ واقعے کی سی سی ٹی وی فوٹیج میں نظر آنے والا شخص اور زیرحراست ملزم کی شکل و شبہات میں فرق پر بھی سوالیہ نشان کھڑے کیے جا چکے ہیں۔
یاد رہے کہ سیف علی خان ممبئی کے علاقے باندرہ میں واقع اپنے گھر میں 15 اور 16 جنوری کی درمیانی شب گھسنے والے ڈکیت سے جھڑپ کے نتیجے میں حملہ آور کے چاقو کے وار سے زخمی ہوگئے تھے۔
January 01, 2025
January 01, 2025
سٹی42: رمضان کے آغاز سے قبل ہی لاہور کی مارکیٹوں میں سٹے باز سرگرم ہوگئے،چینی کی فی کلو قیمت ایک ہفتے میں 12 روپے تک بڑھا دی گئی،شہری چینی 150 روپے فی کلو خریدنے پر مجبور ہیں۔
مارکیٹوں میں 50 کلو والا تھیلا 600 روپے اضافے کے بعد 7 ہزار 400 روپے تک پہنچ گیا۔
رپورٹ کے مطابق ہول سیل پر چینی کی فی کلو قیمت 136 سے بڑھ کر 148 روپے ہوگئی ہے جبکہ پرچون میں چینی 150روپے فی کلو فروخت ہورہی ہے۔
ویب ڈیسک: نامور پاکستانی آل راؤنڈر شاداب خان نے معروف ٹک ٹاکر شاہ تاج خان کی جانب سے تعلق کے دعووں پر خاموشی توڑ دی۔
جنوری 2023ء میں قومی کرکٹ ٹیم کے کھلاڑی اور آل راؤنڈر شاداب خان نے ٹیم کے کوچ ثقلین مشتاق کی بیٹی سے نکاح کیا تھا، بعدازاں ستمبر 2024ء میں معروف ٹک ٹاکر شاہ تاج خان کیجانب سے یہ دعویٰ سامنے آیا تھا کہ کرکٹر شاداب خان کے ساتھ ان کے 6 سے 7 ماہ تک واٹس ایپ اور انسٹاگرام پر بات چیت ہوتی رہی ہے۔
حال ہی میں شاداب خان نے نجی ٹی وی چینل کے مزاحیہ پروگرام میں شرکت کی، پروگرم کے دوران میزبان نے سوال کیا کہ اداکاراؤں نے الزام لگایا ہے کہ کئی کرکٹرز ہمیں میسج کرتے ہیں، یہ حقیقت ہے یا افسانے؟
سوال کا جواب دیتے ہوئے شاداب خان نے کہا کہ مجھے لگتا ہے کہ اگر کرتے بھی ہیں تو کیا بُری بات ہے؟ اگر آپ کو اچھا نہیں لگا تو آپ جواب نہ دیں، نظرانداز کردیں۔
اُن کا مزید کہنا تھا کہ اگر وہ جواب دیتی ہیں تو اس کا مطلب ہے کہ وہ بھی (کھلاڑیوں سے بات چیت میں) دلچسپی رکھتی ہیں۔
شاداب خان نے کہا کہ ہم نے بھی ایسی ویڈیوز دیکھی ہوئی ہیں جس میں (اداکاراؤں کی جانب سے) بڑھا چڑھا کر دعویٰ کیا جارہا ہوتا ہے لیکن ایسا کچھ ہے نہیں۔
اُن کا کہنا تھا کہ صرف شہرت حاصل کرنے کے لیے بھی کرکٹرز کے بارے میں ایسی باتیں کی جاتی ہیں، خاص طور پر ٹورنامنٹس کے دوران ایسی چیزیں زیادہ سامنے آتی ہیں۔
انہوں نے اعتراف کیا کہ ایسے دعوے سامنے آنے کے بعد کھلاڑی ایک دوسرے سے پوچھتے ہیں کہ کس نے میسج کیا تھا؟
یاد رہے کہ نجی ٹی وی چینل پر معروف ماڈل متھیرا کے شو ''گیم شو ایسے چلے گا'' میں شرکت کے دوران شاہ تاج خان کا کہنا تھا کہ وہ شاداب خان پر فدا رہی ہیں، انہیں ان کی کرکٹ اچھی لگتی تھی، وہ ان کی اتنی بڑی مداح رہی ہیں کہ ان کی خاطر کرکٹ میچز دیکھنے لاہور تک گئی ہیں۔ ان کا کہنا تھا کہ وہ انتہا کی حد تک شاداب خان کو چاہتی تھیں لیکن جب کرکٹر نے شادی کرلی تو ان کا دل ٹوٹ گیا۔
شاہ تاج خان کے مطابق جب کرکٹر کی شادی ہوگئی تو ایک دن انہوں نے اپنی سہیلیوں کے ساتھ گفتگو کے دوران شاداب خان پر اچانک شادی کرنے پر تنقید کی ، جس کی آڈیو وائرل ہوگئی اور کرکٹر کے مداحوں نے انہیں آڑے ہاتھوں لیا۔
January 01, 2025
January 01, 2025
ویب ڈیسک: پاکستانی لڑکی کی محبت میں سرحد پار کرنے والے بادل بابو نامی بھارتی نوجوان نے اسلام قبول کرنے کا اعلان کیا ہے، تاہم اسے قانونی مشکلات کا سامنا ہے۔
عدالت میں پیشی کے دوران پاکستانی لڑکی سے ملنے پاکستان آنے والے نوجوان نے اترپردیش ضلع علی گڑھ میں اپنے گھر والوں سے ویڈیو کال پر بات کی۔
بادل نے وکیل کے ذریعے بات چیت میں والدین کو تسلی دی اور اس نے گھر والوں سے کہا" کہ آپ سب میری فکر نہ کریں میں ثنا کے بغیر نہیں رہ سکتا، اس لیے میں اسلام قبول کر رہا ہوں، اب میں پاکستان میں ہی رہوں گااور بھارت واپس آنے کا سوال ہی پیدا نہیں ہوتا"۔
فون پر گفتگو کرتے ہوئے بادل نے اپنے والدین کو یقین دلایا کہ اس نے کوئی جرم نہیں کیا ہے اور وہ جھوٹ نہیں بول رہا ہے۔
بادل بابو کے وکیل فیاض رامے نے میڈیا سے بات کرتے ہوئے وضاحت کی کہ منڈی بہاؤالدین کی عدالت میں بادل کی ضمانت کی درخواست دائر کی گئی ہے جس کی سماعت تین دن بعد ہوگی۔
رامے نے اس بات پر زور دیا کہ پاکستان کے آئین کے تحت ہر فرد کو منصفانہ ٹرائل کا حق حاصل ہےاور انہوں نے واضح کیا کہ بادل کو اپنے اعمال کے قانونی نتائج کا سامنا کرنا پڑے گا۔
وکیل نے مزید وضاحت کی کہ بادل بابو نے اسلام قبول کر لیا تھا اور مستقل طور پر پاکستان میں رہنے کا ذاتی فیصلہ کیا تھا، اس فیصلے کو عدالت میں تسلیم کیا گیا، اور حکام نے تصدیق کی کہ بادل کا مقدمہ اس کی قانونی حیثیت کی بنیاد پر نمٹا جا رہا ہے،عدالت فیصلہ کرے گی کہ کیس کو کیسے آگے بڑھایا جائے۔
یاد رہے کہ بھارتی ریاست علی گڑھ کے رہائشی نوجوان بادل بابو نے 24 اگست 2023 کو غیر قانونی طور پر سرحد عبور کر کے پاکستان میں داخل ہوا تھا۔
اسے یکم جنوری 2025 کو منڈی بہاؤالدین سے گرفتار کیا گیا تھا۔ وہ اس وقت ضمانت کا انتظار کر رہا ہے اور اسے دفعہ 13 اور 14 کے تحت الزامات کا سامنا ہے۔ پاکستان کے فارن ایکٹ، جو غیر قانونی داخلے اور مناسب سفری دستاویزات کی کمی سے متعلق ہے۔
سٹی42: جرمنی میں انتہائی دائیں بازو کی سیاسی جماعت کو الیکشن میں مقبولیت دلوانے کے لئے شوقیہ نازی بن جانے والے امریکی بلینئیر ایلون مسک نے انتہائی دائیں بازو کی جماعت آلٹرنیٹو فار جرمنی AfD کی ریلی میں اس پارٹی کے کارکنوں کو کسی ماہر پروفیسر کی طرح بتایا کہ جرمنی میں 'ماضی کے جرم پر بہت زیادہ توجہ' ہے
ہالے میں انتہائی دائیں بازو کی آلٹرنیٹیو فار جرمنی (اے ایف ڈی) پارٹی کی ایک ریلی س میں کسی ماہر پروفیسر کی طرح تقریر کرتے ہوئے ہوئے، ارب پتی ٹیک موگول ایلون مسک نے خود کو جرمن ہسٹری اور سماجیات کا سب سے بڑا ماہر پریٹینڈ کرتے ہوئے کہا، ’’ماضی کے قصور (جرمنی میں) پر بہت زیادہ توجہ مرکوز ہے اور "ہمیں" اس سے آگے بڑھنے کی ضرورت ہے۔‘‘
مسک نے مزید کہا، "بچوں کو اپنے والدین بلکہ دادا پردادا کے گناہوں کے لیے مجرم محسوس نہیں کرنا چاہیے - مسک جب یہ کہہ رہے تھے تب ان کا اشارہ لازماً جرمنی کی نازی پارٹی کی غیر معمولی جرمن پرست اپروچ کی طرف تھا جس کے نتیجے میں جرمن نازی پارٹی کے ارکان نے جرمنی میں مقیم غیر جرمن خصوصاً یہودیوں اور دوسری قومیتوں کے خلاف شدید نوعیت کے جرائم کئے اور دنیا کو دوسری عالمی جنگ مین ناقابل تصور نقصانات سے دوچار کیا تھا۔
چند ہی روز پہلے ایلون مسک نے جرمنی اور یورپ بھر میں ممنوع تصور کئے جانے والے نازی سلیوٹ کے ذریعہ جرمنی کے اندر الٹرا نیشنلسٹ تعصب کو ابھارنے کی کوشش کی تھی جس پر بہت سخت تنقید کی جا رہی ہے۔ اسی دوران ایلون مسک جرمنی کی AdF پارٹی کی ریلی مین پہنچ گئے اور اس پارٹی کے کارکنوں کو نازی ماضی پر شرمندہ نہ ہونے کا بالواسطہ مشورہ دے ڈالا۔
ایلون مسک نے پیر کو امریکہ کے صدر ڈونلڈ ٹرمپ کے حلف برداری کے دوران ایک بازو کو بہت زیادہ سیدھا کر کے بھدے انداز سے ہٹلر کے نازی سلیوٹ کی نقل کی تھی۔ جسے بہت سے لوگوں نے نازی سلامی ک ہی قرار دیا تھا۔ ایک اینٹی سیمیٹک تنظیم ADL نے اسے نازی سلیوٹ کی بجائے ایک "عجیب و غریب اشارہ" قرار دیا تھا۔
ایلوم مسک ماضی میں اپنے چند سال پہلے خریدے ہوئے سوشل پلیٹ فارم X پر سفید فام بالادستی کو فروغ دینے والی میمز اور نظریات کا بالواطہ پرچار بھی کرتے رہے ہیں۔ سفید فام بالادستی کے متشدد خیالات کا پرچار کرنےوالوں نے ہی امریکہ میں ری پبلکن پارٹی کے اندر ڈونلڈ ٹرمپ کو ان کی بری شہرت کے باوجود دوسری مرتبہ صدارت کا الیکشن لڑنے کے لئے امیدوار بنوایا تھا۔
ایلون مسک گزشتہ کئی ہفتوں سے جرمنی کی سیاست میں بھدے طریقوں سے کھلی مداخلت کر رہے ہیں اور جرمن نوجوانوں کے اذہان کو ٹارگٹ کر کے ان پر اثر انداز ہونے کی کوشش کر رہے ہیں۔ جس سے عاجز آ کر جرمنی کے موجودہ چانسلر اولوف شولز نے جمعہ کے روز کہہ ڈالا کہ یورپ میں انتہائی دائیں بازو کے لیے ایلون مسک کی حمایت "مکمل طور پر ناقابل قبول ہے"، جرمن انتخابی مہم میں مسک کی مداخلت میں اضافہ نے نرم گو اولوف شولز کو ایلون مسلک پر اپنی سابقہ تنقید میں اضافہ کرنے پر مجبور کیا۔
مسک نے پچھلے مہینے کہا تھا کہ صرف انتہائی دائیں بازو کی جماعت آلٹرنیٹیو فار جرمنی یعنی اے ایف ڈی ہی "جرمنی کو بچا سکتی ہے۔حالانکہ جرمنی کو بربادی کا کوئی خطرہ درپیش نہیں،
" پچھلے ہفتے، ٹیک ارب پتی مسک نے اپنے ملکیتی سوشل میڈیا پلیٹ فارم X پر جرمنی کے فروری میں ہونے والے چانسلر کے الیکشن کے لی AdF پارٹی کی امیدوار ایلس ویڈل کے ساتھ چیٹ chat کی تھی۔ اس چیٹ کا مقصد کوئی گپ شپ کرنا نہین تھا بلکہ سوشل پلیٹ فارم پر اے ڈی ایف کے انتہا پسندانہ نظریات کے پرچار کو بوسٹ کرنا تھا۔
جرمنی اور یورپ میں سیاست میں ایلون مسک کی دلچسپی نے یورپ بھر میں سنجیدہ اور اعتدال پسند سوچ رکھنے والے سیاسی کارکنوں، دانشوروں اور سیاستدانوں کو منہ کھولنے پر مجبور کر دیا ہے۔
ایلون مسک نے جب امریکہ میں صدارتی الیکشن میں ڈونلڈ ٹرمپ کی ڈولتی ہوئی الیکشن کیمپین کو سہارا دینے کے لئے پیسے اور اس کے ساتھ اپنے ملکیتی سوشل پلیٹ فارم ایکس کا بے دردی سے استعمال کیا تو یورپ میں اس عمل کو خاموشی سے دیکھا گیا تھا لیکن اب جرمنی کے انتخابات میں مسک کی کھلی مداخلت نے پورے براعظم کے سیاستدانوں کے درمیان خطرے کی گھنٹی بجا دی ہے۔
ٹیسلا اور سپیس ایکس کے چیف ایگزیکٹو مسک نے انگلینڈ کی سیاست مین ٹانگ گھسڑتے ہوئے تو اخلاق کو یکسر ہی فراموش کر دیا۔ مسک نے اسلام دشمن نفرت کے پرچارک ٹومی رابنسن کو جیل سے رہا کرنے کا مطالبہ کیا اور برٹش عوام کے منتخب وزیر اعظم جےئر سٹارمر کو اس کی جگہ جیل میں بند کرنے کی تجویز دی۔
اس بے ہودہ کے بعد مسک نے امریکہ کے صدر کے پہلے خطاب کر دوران ہٹلر کے نازی سلیوٹ کی نقالی کی اور ٹرمپ کو ووٹ دینے والوں کو انسانی تہذیب کو بچانے والے قرار دیا۔ حالانکہ ٹرمپ کے 20 جنوری کو اقتدار سنبھالنے سے پہلے امریکہ زیادہ مہذب لوگوں کے ہاتھ میں تھا جو "غیر قانونی پنجابی امیگرنٹس" کا گلیوں میں شکار کھیلنے کی حد تک نیچے گرنے کا تصور تک نہیں کر سکتے تھے۔
جرمنی کے چانسلر Scholz نےایلون مسک کی حرکتوں پر کہا ہے کہ ذاتی حملوں پر "ٹھنڈا رہنا" ضروری ہے، لیکن جرمنی کے آگے بڑھنے کے راستے کا فیصلہ "سوشل میڈیا چینلز کے مالکان" نہیں کریں گے بلکہ جرمن ووٹرز کریں گے۔
متعلقہ کہانیاں
January 01, 2025
January 01, 2025
سٹی42: ہیکر پاکستانیوں کی پرسنل انفارمیشن چرا کر ان کو آن لائن فراڈ کے ذریعہ ان کی رقوم سے محروم کرنے کے درپے ہیں، زرا سی لاپرواہی، فون ہیکنگ اور فون میں موجود پرسنل معمولات، بینکنگ ایپلی کیشنز، سیکرٹ کوڈز ہیک ہو جانے اور ان کے ذریعہ رقوم سے محروم کر دیئے جانے کا سبب بن سکتی ہے۔ نیشنل ٹیلی کام اینڈ انفارمیشن ٹیکنالوجی کے سکیورٹی بورڈ نے پاکستانی کنزیومرز کو سائبر حملوں کی نئی ایڈوائزری جاری کردی ہے۔
نیشنل ٹیلی کام اینڈ انفارمیشن ٹیکنالوجی کے سکیورٹی بورڈ کی ایڈوائزری میں سائبر حملوں کا خدشہ ظاہر کیا گیا ہے جن کے ذریعہ ہیکر کسی بھی فون ممیں موجود پرسنل انفارمیشن چرا سکتے ہیں اور اس انفارمیشن کو استعمال کر کے متعلقہ افراد کے بینک اکاؤنٹس سے رقوم ہتھیا سکتے ہیں۔
وی پی این اور آرٹیفیشل انٹیلیجنس استعمال کرنے والے پاکستانیوں کو سائبر حملوں کا زیادہ خطرہ ہے۔
سائبر حملوں کے ذریعے مشکوک کوڈ کو فیک تکنیک کے ذریعہ فون تک پہنچایا جاتا ہے، سوشل میڈیا اور بینکنگ ویب سائٹس کے ذریعے ذاتی معلومات چرائی جاسکتی ہیں۔
سرکاری ادارہ کی ایڈوائزری میں 16ایپلیکیشنز کو وقتی طور پر استعمال نہ کرنے کی سفارش کی گئی ہے۔ ان ایپلیکیشنز کی جگہ متبادل آپشنز کے استعمال کی سفارش کی گئی ہے۔
پاکستانی کنزیومرز کو مشورہ دیا گیا ہے کہ محفوظ ایپلیکشنز اور ویب سائٹس استعمال کی جائیں، ایپلیکشنز انسٹال کرنے کے بعد ایپ کی موبائل کی لوکیشن تک رسائی محدود کی جائے۔
اس ایڈوائزری مین کسی بھی ایپ کی "میسجز" تک رسائی کو محدود رکھنےکی بھی سفارش کی گئی ہے لیکن جب ہم کسی ایپ کو اپنے فون پر میسجز تک رسائی کی اجازت دیتے ہین تو اسے "محدود رکھنا عملاً ممکن نہیں رہتا۔ خاص طور سے فشنگ ایپس اس بات کا خاص اہتمام کرتی ہیں کہ ان کی میسجز اور دوسرے فیچرز تک رسائی ، ان فیشرز کے استعمال کے فٹ پرنٹس ہی کنزیومر کی نظر میں نہ آ سکیں۔ یہ ایپس اپنے استعمال کئے ہوئے میسجز اور دیگر فیچرز تک رسائی کے تمام نشان کنزیومر کے علم میں لائے بغیر ہی ڈیلیٹ کر دیتی ہیں اور ایسا بھی وہ پہلے سے حاصل کی گئی اجازت کے ساتھ ہی کرتی ہیں۔
ایڈوائزری میں روزانہ کی بنیاد پر ایپس اپ ڈیٹ اور لائسنس یافتہ اینٹی وائرس انسٹال کرنےکی سفارش کی گئی ہے۔
سٹی42 : محمد آصف قومی اسنوکر چیمپئن شپ میں147کا بریک کھیل کر سنوکر میں میکسیمم بریک کھیلنے والے چوتھے پاکستانی بن گئے۔
آصف نے آج قومی چیمپئن شپ میں علی رضا کے ساتھ میچ میں 147کی بریک کھیلی۔
محمد آصف قومی اسنوکر چیمپئن شپ کی تاریخ میں 147 کی بریک کھیلنے والے دوسرے پاکستانی ہیں،جب کہ مجموعی طور پر یہ سنگِ میل عبور کرنے والے وہ چوتھے پاکستانی ہیں۔ سنوکر میں ایک بار میں مسلسل پوائنٹس بنانے میں سب سے بڑا قابلِ حصول ہندسہ 147 ہوتا ہے۔ اسے سنوکر میں سب سے بڑی بریک کہتے ہیں۔
2008 میں صالح محمد نے ایشین چیمپئن شپ میں 147 کی بریک کھیلی تھی۔ 2021 کی قومی چیمپئن شپ میں محمد سجاد نے 147 کی بریک کھیلی تھی۔ مارچ 2022 میں ورلڈ انڈر 21 چیمپئن شپ میں احسن رمضان نے 147کی بریک کھیلی تھی۔
January 01, 2025
January 01, 2025
سٹی42: معلوم ہوا ہے کہ بانی نے خیبر پختونخوا کے عاطف خان اور بعض وکیلوں کے مسلسل کان بھرنے پر خیبر پختونخوا لے وزیراعلیٰ اور اپنے دیرینہ ساتھی علی امین گنڈاپور سے پارٹی کی صوبائی صدارت چھینی۔ بانی کی جانب سے علی امین گنڈاپور کو پارٹی صدارت سے برطرف کر کے جنید اکبر کو پختنوخوا میں پی ٹی آئی کا نیا سربراہ بنانے کی اطلاعات کل 25 جنوری کو سامنے آئی تھیں۔ آج اس تبدیلی کی "اندر کی کہانی" ن سامنے آئی ہے جس میں کہا جا رہا ہے کہ بانی نے علی امین گنڈاپور کو پارٹی صدارت سے برطرف کرنے کا اقدام وکیلوں اور عاطف خان کی شکایتوں کے نتیجہ میں کیا۔
میڈیا رپورٹس کے مطابق مطابق عمران خان نے کل جمعہ کے روز وزیراعلیٰ خیبرپختونخوا علی امین گنڈا پور سے پارٹی کی صوبائی صدارت کا عہدہ واپس لے لیا اور ان کی جگہ اب جنید اکبر کو پارٹی کا نیا صوبائی صدر مقرر کیا تو اس کے پیچھے وکیلون کی شکایات اور عاطف خان کی شکایات کارفرما تھیں۔
بانی نے کل سلمان اکرم راجہ کو جنید اکبر کی تقرری کا نوٹیفکیشن جاری کرنے کے ساتھ پنجاب میں پارٹی کی تشکیل نو کے لیے مشاورت کی ہدایت بھی کی تھی۔
سلمان اکرم راجہ نے کہا تھا کہ علی امین خود بھی چاہتے تھے وہ پارٹی صدارت اپنے پاس نہ رکھیں، بانی نے علی امین سے کہا ہے کہ صوبے میں دہشتگردی اور گورننس کے معاملات پر فوکس کریں۔
پی ٹی آئی نے انکشاف کیا ہے کہ بانی کو خیبر پختونخوا میں کرپشن پر تشویش ہے اور بانی نے علی امین کو پیغام دیا ہےکہ "وہ ڈیرہ اسماعیل خان کی سیاست سے باہر آئیں۔"
پی ٹی آئی میں عہدوں پر موجود افراد کی تبدیلیاں اچانک ہو جانا کوئی نئی بات نہیں، اس پارٹی مین بڑی بڑی تبدیلیاں ایسے ہی ہو جاتی ہیں۔ دو دن پہلے تک پبلک اکاؤنٹس کمیٹی کے چیئرمین کے لیے شیر افضل پی ٹی آئی کے نامزد امیدوار تھے،پھر اچانک شیر افضل کی نامزدگی منسوخ کرکے جنید اکبر کو اس عہدے کے لیے نامزد کیا گیا جو بلا مقابلہ پبلک اکاؤنٹس کمیٹی کے چیئرمین منتخب ہوگئے۔ انہی جنید اکبر پو خیبر پختونخوا میں پی ٹی آئی کا صوبائی صدر بھی بنا دیا گیا اور اسلام آباد پر پان مرتبہ حملے کرنے کے بعد مزید حملے کر کے حملوں کی تعداد 17 تک لے جانے کے بعرے لگانے والے وزیر اعلیٰ علی امین کو پارٹی صدارت سے ہٹا کر وزیر اعلیٰ کے عہدے تک محدود کر دیا گیا۔
آج ہفتہ کے روز پی تی آئی کے مؤقر ذرائع نے انکشاف کیا کہ بانی عمران خان کو تین ماہ سے وکلا علی امین کے خلاف شکایات کررہے تھے۔ بانی پی ٹی آئی سے عاطف خان اور جنید اکبر کی ملاقات میں بھی علی امین کے خلاف باتیں ہوئیں۔
ذرائع نے انکشاف کیا کہ جنید اکبر کو خیبرپختونخوا مین پی ٹی آئی کا صدر بنانے کے فیصلے کے متعلق وزیراعلیٰ اور کل تک پارٹی صدر علی امین گنڈاپور کو بتایا تک نہیں گیا۔ علی امین اور جنید اکبر کے کافی عرصہ سےباہمی تعلقات خراب ہیں۔
پی ٹی آئی کے ذرائع نے انکشاف کیا کہ بانی کے ساتھ ملاقات میں جنید اکبر اور عاطف خان نے خیبر پختونخوا صوبے میں علی امین گنڈاپور کی خراب گورننس کے متعلق بھی شکایات کیں۔ پی ٹی آئی کے ذرائع نے بتایا کہ عاطف خان اور جنید اکبر کے ساتھ اس ملاقات میں بانی نے علی امین گنڈاپور پر "سخت ناراضی" کا اظہار کیا . عاطف خان نے اس ملاقات میں پی ٹی آئی کی اسلام آباد پر حالیہ یلغاروں میں علی امین کے کردار پر بھی انگلی اٹھائی۔
پی ٹی آئی کے اندر کی کہانی بتانے والے ذرائع کے برعکس سیکرٹری اطلاعات تحریک انصاف شیخ وقاص اکرم نے میڈیا کو بتایا کہ علی امین گنڈاپور کی مرضی سے جنید اکبر کو پارٹی صدر بنایا گیا، سلمان اکرم راجا کی طرح وقاص اکرم کا بھی دعویٰ ہے کہ خیبر پختونخوا کی پارٹی کی صدارت چھوڑنے کے لئے علی امین خود پارٹی قیادت کو کہہ چکے تھے کہ صوبائی صدر کا عہدہ کسی اور کو دے دیں۔
وقاص اکرم نے کہا بانی کو علی امین گنڈاپور پر مکمل اعتماد ہے۔
علی امین گنڈاپور نےچھ ماہ پہلے اگست 2024 میں خیبرپختونخوا کابینہ سے برطرف سابق وزیر شکیل خان کی حمایت میں بیان دینے پر جنید اکبر کو "فوکل پرسن برائے ارکان قومی اسمبلی" کے عہدے سے ہٹا دیا تھا۔ تب سے جنید اکبر اور علی امین گنڈاپور کے باہمی تعلقات خڑاب ہیں۔ اب بانی نے علی امین کو پی ٹی آئی پختونخوا کی صدارت سے تو ہٹایا ہی، اس کے ساتھ ہی یہ عہدہ علی امین کے مخالف کو بھی دے دیا۔
علی امین گنڈاپور نے اس کایا کلپ پر اب تک کوئی ردعمل ظاہر نہیں کیا۔
سکیورٹی فورسز نے خفیہ اطلاعات کی بنیاد پر خیبر پختونخوا میں دہشتگردوں کے خلاف 3 آپریشن کئے جن میں 30 خوارج ہلاک کردیئے گئے۔
آئی ایس پی آر نے بتایا ہے کہ سکیورٹی فورسز نے خفیہ اطلاعات پر خوارج کے خلاف آپریشنز کیے، ان آپریشنز میں مارے گئے خوارج دہشت گردوں سے بھاری مقدار میں اسلحہ اور گولہ بارود برآمد ہوا۔
سکیورٹی فورسز نے ضلع لکی مروت میں انٹیلجنس اطلاعات کی بنیاد پر آپریشن کیا،اس بڑے آپریشن میں 18 خوارج ہلاک اور 6 زخمی ہوئے۔
انٹیلی جنس معلومات کی بنیاد پر ضلع کرک میں خارجی دہشتگردوں کے خلاف جو آپریشن کیا گیا جس میں 8 خوارج دہشت گرد مارےگئے۔
ضلع خیبر کے علاقے باغ میں بھی سکیورٹی فورسز نے خوارجی دہشتگردوں کیموجودگی کی مصدقہ اطلاع پر آپریشن کیا، اس آپریشن میں 4 خوارج دہشت گرد ہلاک اور 2 زخمی ہوگئے۔ ہلاک دہشت گردوں میں خوارجی گروہ کا سرغنہ عزیز الرحمان عرف قاری اسماعیل اور دہشت گرد مخلص شامل تھے۔
آئی ایس پی آر نے اپنے ایک بیان میں کہا کہ سکیورٹی فورسز ملک سے دہشت گردی کی لعنت کے خاتمے کے لیے پرعزم ہیں۔
وزیراعظم ن شہباز شریف اور وزیر داخلہ محسن نقوی نے دہشت گردوں کے خلاف کامیاب کارروائیوں پر سکیورٹی فورسز کو خراج تحسین پیش کیا ہے۔ وزیراعظم اور وزیر داخلہ نے سکیورٹی فورسز کے کامیاب آپریشنز میں 30 خوارجی دہشت گردوں کو ہلاک کرنے پر ان کارروائیوں میں شریک اہلکاروں کی ستائش کی ہے۔
وزیراعظم نےکہا ہےکہ دہشت گردی کے خلاف جنگ میں پوری قوم سکیورٹی فورسز کے ساتھ کھڑی ہے۔ وزیر داخلہ محسن نقوی نے کہا کہ خوارجی فتنہ کی مکمل سرکوبی تک پاکستان کی مسلح افواج اسی طرح اپنی کارروائیاں جاری رکھین گی۔ انہوں نے کہا کہ دہشتگردوں کے خلاف جنگ میں قوم مکمل طور پر اپنی فوج کے شانہ بشانہ کھڑی ہے۔
January 01, 2025
January 01, 2025
سٹی42: بھارت میں ہندوتوا کی پرچارک بھارتیہ جنتا پارٹی کی مرکزی اور ریاستی حکومتوں نے 2024 کا الیکشن جیتنے کے لئے بھارت کو فرقہ ورانہ فسادات کے جہنم میں دیکھیل دیا۔ سال 2024 میں فرقہ ورانہ فسادات کے 59 واقعات رپورٹ ہوئے فو گزشتہ سال کے مقابلہ مین دو گنا کے نزدیک ہیں۔
’سنٹر فار دی اسٹڈی آف سوسائٹی اینڈ سیکولرزم‘ (سی ایس ایس ایس) کی ایک رپورٹ سامنے آئی ہے جس میں بتایا گیا ہے کہ ہندوستان میں سال 2024 کے دوران 59 فرقہ وارانہ فسادات ہوئے۔ یہ نمبر 2023 کے مقابلے میں بہت زیادہ ہیں، کیونکہ اُس سال 32 فسادات درج کیے گئے تھے۔ اس طرح دیکھا جائے تو فرقہ وارانہ فساد کے واقعات 2023 کے مقابلے 2024 میں 84 فیصد بڑھے ہیں۔ غور کرنے والی بات یہ ہے کہ 59 میں سے فرقہ وارانہ فسادات کے 49 معاملے ان ریاستوں میں پیش آئے جہاں بی جے پی یا اس کی اتحادی حکومت ہے۔
سی ایس ایس ایس کی رپورٹ کے مطابق 2024 میں جو 59 فسادات سامنے آئے، ان میں 13 ہلاکتیں ہوئیں۔ مرنے والوں میں میں 10 مسلم کمیونٹی سے اور 3 کمیونٹی سے تعلق رکھتے ہیں۔ رپورٹ سے یہ بھی پتہ چلتا ہے کہ ہندوستان کا مغربی خطہ، خصوصاً مہاراشٹر ان فسادات کا مرکز رہا جہاں 59 میں سے 12 فسادات ہوئے۔اس ریاست میں بھارتیہ جنتا پارٹی سخت فرقہ ورانہ تشدد کے باوجود لوک سبھا کے الیکشن ہار گئی تھی، ریاست کے اقتدار پر قبضہ برقرار رکھنے کے لئے بھارتیہ جنتا پارٹی نے لوک سبھا الیکشن کے بعد مزید فرقہ واریت کے الاؤ بھڑکائے۔ فرقہ ورانہ تشدد کے واقعات کے بعد عام ہندو ووٹر ہندوتوا کی طرف زیادہ آسانی سے متوجہ ہوتے ہیں اور بھارتیہ جنتا پارٹی کی مرکزی حکومت کی بری کارکردگی خصوصاً اقتصادی ترقی اور غربت کے خٓتمہ میں ناکامیوں کو وقتی طور پر بھول جاتے ہیں۔
بھارتیہ جنتا پارٹی جب سے وجود میں آئی ہے وہ فرقہ ورانہ تشدد کو ہی اپنی مقبولیت بڑھانے اور سادہ لوح ہندو ووٹرز کے ووٹ اینٹھنے کے لئے ہتھیار کے طور پر استعمال کرتی ہے، بھارتیہ جنتا پارٹی کی اس سٹریٹیجی کی قیمت مذہبی اقلیتوں خصوصاً مسلمانوں کو ادا کرنا پڑتی ہے۔
سال 2024 کے دوران بیشتر فرقہ وارانہ فسادات مذہبی تہواروں یا جلوسوں کے دوران پیش آئے۔ جنوری 2024 میں جب ایودھیا میں رام مندر کے اندر پران پرتشتھان کی تقریب منعقد ہوئی تو اس کے آس پاس 4 فرقہ وارانہ فسادات پیش آئے۔ علاوہ ازیں 7 فسادات سرسوتی پوجا مورتی وسرجن کے دوران، 4 گنیش تہواروں کے دوران اور 2 عیدالاضحیٰ کے دوران رونما ہوئے۔ یہ اعداد و شمار فرقہ وارانہ کشیدگی اور مذہبی تقریبات کے وقت پیدا ہونے والے حالات کو نمایاں کرتے ہیں۔
ڈاکیومینٹائز کئے جانے والے فرقہ وارانہ فسادات کے علاوہ 2024 میں ہجومی تشدد یعنی ماب لنچنگ کے 13 واقعات بھی سامنے آئے۔ ان ماب لنچنگ کے واقعات میں 11 افراد جاں بحق ہوئے۔ مجمع کے تشدد سے مرنے والوں میں صرف ایک ہندو، ایک عیسائی تھا اور 9 مسلم شامل ہیں۔ اگرچہ یہ 2023 میں درج کیے گئے موب لنچنگ کے 21 واقعات سے کم ہیں، لیکن اس طرح کے حملوں کا مسلسل ہونا ایک سنگین تشویش کا باعث ہے۔ بھارت مین بہت سے لوگ موب لنچنگ کے واقعات میں بھارتیہ جنتا پارٹی اور اس کے ساتھ جڑے دوسرے ہندوتوا پرست انتہا پسند گروہوں کا ہاتھ بتاتے ہیں۔
سی ایس ایس ایس کی یہ رپورٹ 2024 میں فرقہ وارانہ فسادات اور ہجومی تشدد دونوں کا ایک جامع تجزیہ فراہم کرتی ہے، جو ملک میں فرقہ وارانہ تشدد کے واضح مظہر ہے۔
سی ایس ایس ایس نے اپنی یہ رپورٹ ممتاز اخبارات مین شائو ہو چکی فرقہ وارانہ تشدد کے واقعات کی رپورٹس کو سامنے رکھ کر تیار کی ہے۔ ان اخبارات میں ’ٹائمز آف انڈیا‘، ’دی ہندو‘، ’دی انڈین ایکسپریس‘، صحافت (اردو) اور انقلاب (اردو) کے ممبئی ایڈیشن شامل ہیں۔ سی ایس ایس ایس کے اعداد و شمار کے مطابق 2023 کے مقابلے میں 2024 میں ان 5 اخبارات میں رپورٹ ہونے والے فرقہ وارانہ فسادات کو دیکھنے سے پتہ چلتا ہے کہ ایسے واقعات میں 84 فیصد اضافہ ہوا ہے۔ 2024 میں پیش آئے 59 فرقہ وارانہ فسادات میں سے مہاراشٹر میں سب سے زیادہ 12 واقعات پیش آئے جبکہ اتر پردیش اور بہار میں 7-7 واقعات رونما ہوئے۔
سٹی42: اسرائیل نے غزہ جنگ بندی معاہدے کے تحت ہفتہ کےروز چار نوجوان خاتون سپاہیوں کی رہائی کے عوض مزید 200 فلسطینی سکیورٹی قیدی رہا کردیے۔
فلسطینی مزاحمتی تنظیم حماس نے غزہ جنگ بندی معاہدے کے تحت آج حماس کو باقی ماندہ سویلین خواتین کو رہا کرنا تھا جن میں دو بچوں اور شوہر کے ساتھ اغوا کی گئی خاتون شیری بیباس اور دوسری سویلین خاتون اربیل یہود شامل تھیں۔ حماس نے نامعلوم وجوہات کی بنا پر ان سویلین خواتین کو رہا نہیں کیا بلکہ اس کی بجائے چار نوجوان خاتون سپاہیوں کو رہا کر دیا۔ سویلین یرغمالیوں کی رہائی نہ ہونے پر احتجاج کرتے ہوئے اسرائیل نے آج شام شمالی غزہ کو پناہ گزینوں کی واپسی کا راستہ کھولنے سے انکار کر دیا تاہم فوجی خواتین کے دلے طے شدہ فارمولا کے مطابق دو سو سکیورٹی قیدی رہا کر دیئے۔
طے شدہ معاہدہ کے مطابق چار خاتون فوجیوں کی رہائی کے عوض جن سکیورٹی قیدیوں کو رہا کیا جانا تھا، سویلین یرغمالی خواتین کی واپسی نہ ہونے پر الگ سے احتجاج کرتے ہوئے اسرائیل نے دو سو فلسطینی قیدیوں کی رہائی نہین روکی۔ ان میں سے 114 سکیورٹی قیدی مقبوضہ مغربی کنارے پہنچے۔ عرب میڈیا کا کہنا ہے کہ 70 قیدی مصر اور 16 قیدی غزہ کے علاقے خان یونس پہنچ گئے۔
اسرائیلی قید سے رہا ہونے والوں میں رائد السعدی بھی شامل ہے جسے سنگین جرائم میں ملوث قرار دیا جاتا ہے۔ وہ 36 سال سے اسرائیلی قید میں تھے۔
رائد السعدی کون ہیں؟
رائد السعدی 3 جنوری 1963 کو جنین کے قصبے السِیلہ الحارثیہ میں پیدا ہوئے۔ رائد السعدی بچپن سے ہی اسرائیلی قبضے کے خلاف مزاحمت کیلئے مشہور تھے اور انہیں 17 سال کی عمر میں 6 ماہ تک گرفتار کیا گیا تھا۔ انہوں نے اپنے قصبے میں بجلی کے کھمبوں پر فلسطینی پرچم لہرایا تھا۔
وہ اگست 1989 سے گرفتار ہیں اور اسرائیلی عدالتوں نے انہیں اسلامک جہاد کی القدس بریگیڈز سے تعلق رکھنے اور فوجی کارروائی کے نام پر قتل و غارت میں ملوث ہونے کے الزام میں دو بار عمر قید کے ساتھ ساتھ مزید 20 سال قید کی سزا سنائی تھی۔
جیل میں 35 سال مکمل ہونے پر رائد السعدی نے گھر ایک خط بھیجا تھا جس میں کہا تھاکہ مجھے اپنے والد کی یاد آتی ہے۔
رائد نے لکھاکہ مجھے اپنی ماں کی مٹی یاد آتی ہے، ان کی قبر پر کھڑے ہوکر گھر کی دہلیز پر بیٹھ کر گزاری گئی زندگی کے لیے معافی مانگنا چاہتا ہوں۔
January 01, 2025
January 01, 2025
حب آٹو کراس ریلی میں کارکے ڈرائیور نے ریلی کے انتظامی کارکن کو کچل کر مار ڈالا۔ انتظامیہ نے حادثہ کے بعد ریلی منسوخ کر دی۔
حب آٹو کراس ریلی میں گاڑی کو پیش آنے والے حادثے میں زخمی ہونے والا انتظامی کا رکن ہفتہ کے روز انتقال کرگیا۔ ٹریک کے کنارے ڈیوٹی پر کھڑا انتظامی رکن دانش ریس میں شریک ایک کار کی زد میں آکر زخمی ہوا تھا۔ اس کار کو طارق خان چلا رہا تھا۔
دانش کو زخمی حالت میں ہسپتال منتقل کیا گیا جہاں وہ دوران علاج دم توڑ گیا۔ دانش کے زخمی ہونے کے بعد ریلی جاری رکھی گئی تھی لیکن ہسپتال میں اس کے فوت ہو جانے کے بعد ریلی کی انتظامیہ نے آٹو کراس ریلی کو فوری منسوخ کردیا۔
سٹی42: اسرائیل فلسطینیوں کو اس وقت تک شمالی غزہ واپس نہیں آنے دے گا جب تک حماس یرغمال خاتون شہری اربیل یہود کی رہائی کا بندوبست نہیں کرتی۔
اربیل یہود اور دو بچوں کی والدہ شیری بی باس کو ان کے بچوں کے ساتھ آج ہفتے کے روز رہا کیا جانا تھا، یہ بات دوحہ میں ہونے والے جنگ بندی معاہدہ میں طے ہوئی تھی کہ حماس پہلے سولیلین خواتین کو رہا کرے گی۔ جنگ بندی کے روز فزشتہ اتورار کو تین سویلین خواتین کی رہائی کے بعد آج ہفتہ کے روز دو باقی سویلین خواتین اربیل یہود اور شیری بیباس کو رہا کیا جانا تھا لیکن حماس نے معاہدہ کی وائلیشن کی اور ان دونوں خواتین کو رہا نہییں کیا۔
ان دو سویلین خواتین کی آج رہائی نہ ہونے پر اسرائیل میں سخت تشویش کا اظہار کیا جا رہا ہے، پہلے اسرائیلی فوج نے بیان دیا کہ ان دو سویلین خواتین کو رہا نہ کر کے حماس نے جنگ بندی معاہدہ کی سنگین خلاف ورزی کی ہے، اس کے بعد وزیراعظم کے دفتر سے اعلان کیا گیا کہ جب تک ان دو خواتین کو رہا نہیں کیا جائے گا اسرائیل کی فوج فلسطینیوں کو شمالی غزہ مین واپس نہیں آنے دے گی۔
IDF کے ترجمان ریئر ایڈمرل ڈینیئل ہیگاری نے کہا کہ حماس نے خواتین فوجیوں سے پہلے تمام سویلین خواتین کو رہا کنہ کر کےیرغمالی جنگ بندی معاہدے کی خلاف ورزی کی۔ ایک ٹیلی ویژن بیان میں ڈینئیل ہیگاری نے کہا "حماس نے پہلے سویلین خواتین کو آزاد کرنے کے معاہدے میں اپنی ذمہ داری کی پاسداری نہیں کی"۔
ہگاری نے کہا کہ اسرائیل اس بات کو یقینی بنائے گا کہ شہری یرغمالی اربیل یہود، جسے اسرائیل زندہ مانتا ہے، شیری بیباس اور اس کے دو چھوٹے بچوں ایریل اور بیبی کفیر کے ساتھ جلد رہا کر دے۔
دوسری سویلین خاتون بیباس کے خاندان کے بارے میں، ڈینئیل ہیگاری نے کہا کہ "ان کی قسمت کے بارے میں شدید خدشات ہیں۔"اسرائیل جلد ہی بیباس کے خاندان کے بارے میں مزید معلومات کی توقع رکھتا ہے۔
فوج کے سینئیر ترجمان نے کہا کہ فوج اگم برجر، 7 اکتوبر 2023 کو اغوا کی گئی سرحد کی نگرانی پر مامور خاتون سپاہی اور دیگر تمام یرغمالیوں کی واپسی کے لیے پرعزم ہے۔
اسرائیل کا شمالی غزہ میں فلسطییوں کی واپسی روکنے کا اعلان
یروشلم میں وزیر اعظم بنجمن نیتن یاہو کے دفتر نے ہفتہ کے روز اعلان کیا ہے کہ اسرائیل فلسطینیوں کو اس وقت تک شمالی غزہ کی پٹی میں واپس جانے کی اجازت نہیں دے گا جب تک کہ حماس یرغمال خاتون شہری اربیل یہود کی رہائی کا انتظام نہیں کرتی۔
پرائم منسٹر آفس نے بتایا کہ "اسرائیل نے آج حماس دہشت گرد گروپ سے چار خواتین یرغمال فوجیوں کو حاصل کیا ہے، اور ڈیل کے مطابق اس کے بدلے میں سیکورٹی قیدیوں کو رہا کرے گا"۔
بیان میں مزید کہا گیا کہ "معاہدے کے مطابق، اسرائیل غزہ کی پٹی کے شمال میں غزہ کے شہریوں کو گزرنے کی اجازت نہیں دے گا، جب تک کہ حماس کی یرغمالی شہری اربیل یہود کی رہائی کا انتظام نہیں کیا جاتا، اس سویلین خاتون کو آج رہا کیا جانا تھا۔" خیال کیا جاتا ہے کہ یہود فلسطینی اسلامک جہاد دہشت گرد گروپ کے زیر قبضہ ہے۔
اس اعلان کا مطلب یہ بھی ہے کہ IDF نیٹزارم کوریڈور کے حصے سے دستبردار نہیں ہوگا۔
معاہدے کے تحت، اسرائیل کو آج جنگ بندی کے ساتویں دن راہداری کے شمالی نصف حصے سے پیچھے ہٹنا تھا، تاکہ فلسطینیوں کو ساحلی سڑک کے ذریعے شمالی غزہ واپس جانے کی اجازت دی جا سکے۔
اسرائیل کے مطابق حماس نے تمام زندہ سویلین خواتین یرغمالیوں کے سامنے خواتین یرغمال فوجیوں کو رہا کر کے معاہدے کی خلاف ورزی کی۔
اسرائیل کے وزیر اعظم کے دفتر نے غزہ میں حماس کے ہاتھوں چار یرغمال خواتین فوجیوں — لیری الباگ، کرینہ ایریف، ڈینییلا گلبوا اور ناما لیوی کو رہا کیے جانے کے فوراً بعد اپنے تعزیری فیصلے کا اعلان کیا۔
مبینہ طور پر یہ فیصلہ وزیر اعظم بنجمن نیتن یاہو کی طرف سے کل رات ہونے والی سیکیورٹی مشاورت کے دوران لیا گیا، حماس کی جانب سے جمعہ کے روز چار خواتین فوجیوں کے نام جاری کیے جانے کے فوراً بعد وزیراعظم نیتن یاہو نے یہ فیصلہ کر لیا تھا کہ دو سویلین خواتین کی واپسی سے پہلے شمالی غزہ کو فلسیطینیوں کے لئے نہیں کھولا جائے گا۔ تاہم اس فیصلہ کا اعلان چاروں یرغمالی خواتین کی بخیریت اسرائیل واپسی کے بعد کیا گیا ہے۔ غالباً اس کا مقصد آج رہا ہونے والی چاروں خواتین کے تحفظ کو یقینی بنانا تھا۔
January 01, 2025
January 01, 2025
سٹی42: اسرائیل کی چار یرغمال خواتین حماس کی طویل قید سے رہائی پا کر اسرائیل واپس پہنچ گئیں۔ حماس کے اغوا کاروں نے چار یرغمالی خواتین کرینہ ایریف، ڈینییلا گلبوا، ناما لیوی، اور لیری الباگ کو بین الاقوامی ریڈ کراس کے حوالے کر دیا ہے۔ یہ رہائی دوحہ قطر میں ہونے والے جنگ بندی معاہدہ کے تحت عمل میں آئی ہے۔
چار خواتین کو ان کی رہائی سے قبل غزہ شہر کے ایک کھچا کھچ بھرے چوراہے پر حماس کی طرف سے بنائے گئے اسٹیج پر چلتے ہوئے دیکھا گیا ہے۔
چاروں خواتین فوجی طرز کے خاکی لباس پہنائے گئے تھے جو ان کی اصل وردیوں سے مختلف تھے لیکن انہیں فوجی ظاہر کرنے کے لئے حماس نے اس خصوصی لباس کا اہتمام کیا تھا۔
اسرائیل پر 7 اکتوبر کے حملے کے دوران سرحدی چوکی نہال اوز پوسٹ سے اغوا کی گئی چاروں لڑکیاں آئی ڈی ایف کی اہلکار ہیں۔
ان کی سحت بظاہر ٹھیک ہے۔ غزہ کے چوراہے میں ان چار یرغمالی خواتین کو رہا کر کے انٹرنیشنل ریڈ کراس کے حوالے کرنے کے موقع پر حماس کے کارکنوں نے سٹیج بنا کر اس رہائی کی باقاعدہ نمائش منعقد کی اور جنگ سے برباد ہو چکے شہر میں اپنی طاقت کا مظاہرہ کیا۔
یرغمالی خواتین کو ریڈ کراس کے حوالے کرنے سے پہلے انہیں بلند سٹیج پر لایا گیا اور ان کے ہاتھوں میں ان کو تقریباً سولہ ماہ تک قید میں یرغمال رکھنے والی حماس کے دیئے ہوئے تحائف کے لفافے دکھائے گئے۔ چاروں خواتین اپنی رہائی پر بہت خوش نظر آ رہی تھیں۔ سٹیج پر ان کی نمائش کرنے کے بعد حماس کے کارکنوں نے انہیں انٹرنیشنل ریڈ کراس کے نمائندوں کے حوالے کر دیا جو انہین فوراً وہاں سے لے کر اسرائیل کی سرحد کی طرف روانہ ہو گئے۔
کچھ دیر بعد آئی ڈی ایف نے تصدیق کی کہ غزہ میں حماس کی قید سے رہائی پانے والی یرغمالی فوجی کرینہ ایریف، ڈینییلا گلبوا، ناما لیوی اور لیری الباگ سرحد عبور کر کے اسرائیل میں داخل ہو گئی ہیں۔ ہیں۔
غزہ میں ہی ریڈ کراس نے انہیں اسرائیلی حکام کے حوالے کیا جہاں سے اسرائیلی اسپیشل فورسز کا دستہ انہیں غزہ کی پٹی سے باہر اسرائیل لے گیا۔
آئی ڈی ایف انہیں ابتدائی چیک اپ اور حماس کی قید میں 477 دنوں کے بعد پہلی بار اپنے والدین سے ملوانے کے لیے سرحد کے قریب ایک سہولت میں منتقل کیا۔
سٹی 42 : 166 ایئرکوالٹی انڈیکس کے ساتھ دنیا کے آلودہ شہروں کی فہرست میں لاہور پانچویں نمبر پر آگیا ۔
شہرکا مجموعی ایئرکوالٹی انڈیکس 166 ریکارڈ کیا گیا، مختلف علاقوں پولو گراؤنڈ کینٹ میں سب سے زیادہ ایئرکوالٹی انڈیکس 202 ریکارڈ کیا گیا، جبکہ غازی روڈ انٹرچینج 196، خیابان اقبال 186، ایم ایم عالم روڈ 183، مشتاق احمد گرمانی روڈ گلبرگ میں شرح آلودگی 177 ریکارڈ کی گئی ۔ اس کے علاوہ شملہ پہاڑی 172، سید مراتب علی روڈ گلبرگ میں 170،عسکری ٹین 169، ڈی ایچ اے فیز ایٹ میں آلودگی کی شرح 163ریکارڈ کی گئی ۔
ویلنشیاءٹاؤن میں آلودگی کی شرح 155 ریکارڈ کی گئی ۔
January 01, 2025
January 01, 2025
سٹی 42 : اقتصادی رابطہ کمیٹی (ای سی سی) نے صنعتی شعبے کے لیے گیس ٹیرف میں اضافے کی منظوری دے دی ۔
وفاقی وزیر خزانہ محمد اورنگزیب کی زیر صدارت اقتصادی رابطہ کمیٹی کا اجلاس ہوا، جس میں ای سی سی نے صنعتی شعبے کے لیے گیس ٹیرف میں اضافے کی منظوری دے دی، کیپٹو پاور پلانٹس کے لیے گیس ٹیرف کو 3000 سے بڑھا کر 3500 روپے فی ایم ایم بی ٹی یو کرنے کی منظوری دے دی گئی۔
گھریلو صارفین کے لیے گیس ٹیرف میں اضافہ نہ کرنے کا فیصلہ کرلیا گیا، ای سی سی نے گھریلو صارفین کے لیے اضافہ مسترد کر دیا ۔
اجلاس میں وزارت پیٹرولیم کی جانب سے صنعتی شعبے اور غیر محفوظ گھریلو زمرہ جات کے لیے گیس ٹیرف میں اضافے کی تجویز پر غور کیا گیا ۔ ای سی سی نے وزارت پیٹرولیم کو ہدایت دی کہ کیپٹو پاور پلانٹس پر گرڈ ٹرانزیشن لیوی کے نفاذ کے لیے فوری اقدامات کیے جائیں۔
سٹی 42 : ترجمان دفتر خارجہ شفقت علی خان نے کہا ہے کہ مراکش میری ٹائم حادثے میں زندہ بچ جانے والے پاکستانیوں کو وطن واپس لایا جائے گا ۔
ترجمان دفتر خارجہ کے مطابق وزارت خارجہ دخلا بندرگاہ, مراکش کے قریب حالیہ سمندری واقعے میں بچ جانے والے 22 پاکستانیوں کی وطن واپسی کے لیے رابطہ کر رہی ہے, مراکش کے حکام کے ساتھ مکمل تحقیقات اور محتاط روابط کے بعد ان افراد کو گروپوں میں پاکستان واپس بھیج دیا جائے گا, رباط میں پاکستانی سفارت خانہ امدادی سرگرمیوں کی نگرانی کر رہا ہے ، وطن واپسی کے پیچیدہ طریقہ کار کو حتمی شکل دینے کے لیے مراکشی حکام کے ساتھ مل کر کام کر رہے ہیں ۔
ترجمان دفتر خارجہ کا کہنا ہے کہ دکھلا میں سفارت خانے کی قونصلر ٹیم نے زندہ بچ جانے والوں کی واپسی کی منصوبہ بندی میں اہم کردار ادا کیا ہے, وزارت خارجہ کا کرائسز منیجمنٹ یونٹ (CMU) صورتحال کی نگرانی کر رہا ہے ۔ انہوں نے کہا کہ یونٹ متاثرہ افراد کو ضروری مدد فراہم کرنے اور ان کے اہل خانہ کے ساتھ فعال رابطے کو برقرار رکھنے میں فعال طور پر مصروف ہے، قومی شناخت کی تصدیق اس عمل کا ایک اہم جزو رہا ہے, اس عمل کو وزارت داخلہ اور متعلقہ محکموں کے ساتھ مل کر تیزی سے مکمل کیا گیا, وزارت خارجہ موریطانیہ سے 11 پاکستانی شہریوں کی واپسی میں بھی سہولت فراہم کر رہی ہے, ان تمام افراد نے رضاکارانہ طور پر گھر واپسی کا انتخاب کیا ہے, یہ ایک علیحدہ وطن واپسی کے عمل کا حصہ ہوں گے ۔
شفقت علی خان نے کہا کہ بیرون ملک مقیم پاکستانیوں کی فلاح و بہبود حکومت کی اہم ترجیح ہے، وہ اس سلسلے میں ہر ممکن سہولت فراہم کرنے کے لیے کام جاری رکھے گی, وطن واپسی کی کوششیں آگے بڑھنے پر مزید اپ ڈیٹس کا اشتراک کیا جائے گا ۔
January 01, 2025
January 01, 2025
سٹی 42 :پنجاب کے گورنر سردار سلیم حیدر نے کہا ہے کہ پیکا ایکٹ کی منظوری سے پہلے تمام صحافتی تنظیموں سے مشاورت کی جاتی، حکومت صحافتی تنظیموں کے ساتھ مل کربل لاتی تو زیادہ اچھا ہوتا۔
سردار سلیم حیدر نے میڈیا سے گفتگو کرتے ہوئے کہا کہ پیپلزپارٹی تمام جماعتوں سے زیادہ مذاکرات کی حامی ہے، ملک کی بہتری کے لیے تمام اسٹیک ہولڈرز اور جماعتوں کے ساتھ مذاکرات کی حامی ہے ۔ انہوں نے کہا کہ ایساچارٹرسائن کیا جائےکہ ہم الیکشن اپنالڑیں اپنی سیاست کریں ۔
انہوں نے کہا کہ جہاں ملک کو آگے لے جانا ہے وہاں سب کو سرجوڑکربیٹھ جانا چاہیے، مسلم لیگ ن کو سوچناچاہیے کہ 18ماہ پہلے پیپلزپارٹی ملی تو میاں صاحب وزیراعظم بنے ۔ انہوں نے کہا کہ اس دوران بھی پیپلزپارٹی کے ساتھ سوتیلی ماں جیسا سلوک کیا گیا، پیپلزپارٹی ورکرز اس حق میں نہیں تھے کہ انکا ساتھ دیا جاتا، پیلپلزپارٹی نے حالات دیکھتے ہوئے ذمہ داری سے ن لیگ کا ساتھ دیا ۔
گورنرپنجاب نے کہا کہ پیپلزپارٹی کی آخری حد تک کوشش ہے کہ یہ سسٹم چلے، شاید مسلم لیگ ن کو ہوش آجائے کہ اتحادیوں کو ساتھ لے کر چلنا چاہیے، 2008 کے دور حکومت میں صدر آصف علی زرداری تمام اتحادیوں کو لے کرچلے، پہلی دفعہ ایسا ہواکہ حکومت نے 5 سال مدت پوری کی ، ن لیگ کوئی ایسا بندہ نہیں جو اتحادیوں کو ساتھ لےکرچلے ، آج کے دن تک تو ہم حکومت کے اتحادی ہیں آگے دیکھیں کیا ہوتا ہے ۔
سردار سلیم حیدر نے کہا کہ پیکا ایکٹ تو ہونا چاہیے سوشل میڈیا کے حالات ایسے ہیں کہ کوئی پوچھنے والا نہیں ، پیکا ایکٹ کی منظوری سے پہلے تمام صحافتی تنظیموں سے مشاورت کی جاتی، حکومت صحافتی تنظیموں کے ساتھ مل کربل لاتی تو زیادہ اچھا ہوتا۔ انہوں نے کہا کہ قانون ایسا بنے جو سب کو قبول ہو، یہ حکومت کی نالائقی ہے کہ پہلے مشورہ کرتے پھرقانون بناتے۔
ملک اشرف : پاکستان کالج آف لاء میں 12 ویں بین الاقوامی موٹ کورٹ کے مقابلوں میں سٹوڈنٹس نے بھرپور حصہ لیا، ججز کی جانب سے نمایاں پوزیشنیں حاصل کرنے والوں میں انعامات تقسیم کئے گئے ۔
تقریب میں لاہور ہائیکورٹ کے جسٹس صداقت علی خان ، جسٹس عاصم حفیظ ،وفاقی محتسب برائےحراسگی تحفظ خواتین ، فوزیہ وقار کی بطور ججز شرکت کی۔
پاکستان کالج آف لاء گارڈن ٹاؤن میں قانون کے طلبہ کے لئے وکالت پریکٹس کے عملی مظاہرے کئے گئے۔ پاکستان کالج آف لاء میں فرضی عدالت میں قانون کے طلبہ نے وکیل بن کر بھرپور دلائل دئیے ۔
دو روزہ موٹ کورٹ مقابلوں میں ملک بھر اورآزاد کشمیر سے 32 لاء کالجز کی ٹیموں نے شرکت کی ۔ موٹ کوٹ مقابلوں میں آزادی اظہار رائے کے متعلق گفتگو ہوئی، آزادی صحافت کے موضوع پر سٹوڈنٹس نے بھرپور دلائل دئیے،سٹوڈنٹس نے آزادی اظہار رائے اور اس کے متعلق قوانین کے حوالے سے بھی دلائل دئیے ،ججز نے قانون کے ذہانت اور بھر پور دلائل پر سٹوڈنٹس کی کارکردگی کو سراہا ۔
جسٹس صداقت علی خان نے تقریب سے خطاب کرتے ہوئے پاکستان کالج آف لاء اور پروفیسر ہمایوں احسان کی تعریف کی ۔ تقریب سے لاہور ہائیکورٹ کے جسٹس عاصم حفیظ اور وفاقی محتسب فوزیہ وقار نے بھی اظہارِ خیال کیا ۔ تقریب میں ڈین پاکستان کالج آف لاء پروفیسر ہمایوں احسان ،پرنسپل تسنیم کوثر ، وائس پرنسپل بابر فرحان ،پروفیسر شبنم اسحاق ، پروفیسر محمد افضل خان ،لائبہ ارشاد ، آصف صغیر ، پروفیسر محمد مصطفی خان، علی حسنین سمیت دیگر نے شرکت کی۔
موٹ کوٹ مقابلوں کےفائنل راؤنڈ میں نمایاں پوزیشنز حاصل کرنے والوں کو انعامات بھی دئیے گئے ۔
پرنسپل پاکستان کالج آف لاء پروفیسر تقسیم کوثر نے تقریب کے آخر میں تقریب میں شرکت پر جسٹس صداقت علی خان ،جسٹس عاصم حفیظ سمیت شرکاء ججز کا شکریہ ادا کیا۔ پاکستان کالج آف لاء کی جانب سے جسٹس صداقت علی خان ،جسٹس عاصم حفیظ اور وفاقی محتسب فوزیہ وقارکو سونئرز پیش کئے گئے گئے ۔
January 01, 2025
January 01, 2025
سٹی42: کہا جاتا ہے کہ محبت عواقب سے بے نیاز کر دیتی ہے، ایسا ہی ایک کیس منڈی بہاولدین کی عدالت میں سامنے آیا جہاں بھارت کی ریاست اتر پردیش کے ضلع علی گڑھ کے ایک نوجوان کو پیش کیا گیا۔ یہ نوجوان ایک پاکستانی لڑکی کی محبت میں گرفتار ہو کر سرحد غیرقانونی طور پر عبور کر کے پاکستان آ گیا ہے اور اس کا کہنا ہے کہ اس نے اسلام قبول کر لیا ہے اور اب باقی زندگی پاکستان مین ہی رہنا چاہتا ہے۔
علی گڑھ ضلع سے تعلق رکھنے والا یہ نوجوان بادل بابو (24 اگست 2023 ) غیر قانونی طور پر سرحد عبور کر کے پاکستان میں داخل ہوا تھا، جس کے بعد وہ منڈی بہاؤالدین کے کسی علاقے میں غیر قانون طور پر رہ رہا تھا۔ اسے یکم جنوری 2024 کو منڈی بہاؤالدین سے ہی گرفتار کیا گیا تھا۔اپنے بیان کے مطابق ایک پاکستانی لڑکی کی محبت میں دیوانہ ہو کر پاکستان اور بھارت کی بہت زیادہ حساس سمجھی جانے والی سرحد پار کرن آیا تھا۔ بادل بابو کہتےا ہے کہ وہ اسلام قبول کرن چکا ہے اور باقی زندگی پاکستان مین ہی رہنا چاہتا ہے، تاہم اسے قانونی مشکلات کا سامنا ہے۔
عدالت میں پیشی کے دوران بادل کی اترپردیش ضلع علی گڑھ میں اس کے گھر والوں سے ویڈیو کال پر بات کروائی گئی۔ بادل نے وکیل کے ذریعے بات چیت میں والدین کو اپنی خیریت سے آگاہ کیا۔ اس نے گھر والوں سے کہا کہ آپ سب میری فکر نہ کریں، میں ثنا کے بغیر نہیں رہ سکتا، اس لیے میں اسلام قبول کر رہا ہوں۔ نوجوان نے کہا کہ اب میں پاکستان میں ہی رہوں گا۔ بھارت واپس آنے کا سوال ہی پیدا نہیں ہوتا۔
بادل نے اپنے والدین کو بتایا کہ اس نے (غیر قانونی طریقہ سے سرحد پار کرنے کے سوا) کوئی جرم نہیں کیا ہے اور وہ جھوٹ نہیں بول رہا ہے۔ انہوں نے تصدیق کی کہ اس نے اسلام قبول کرلیا ہے اور وہ بھارت واپس نہیں آنا چاہتا ۔
بادل بابو کے وکیل فیاض رامے نے میڈیا کو بتایا کہ منڈی بہاؤالدین کی عدالت میں بادل کی ضمانت کی درخواست دائر کی گئی ہے جس کی سماعت تین دن بعد ہوگی۔ رامے نے اس بات پر زور دیا کہ پاکستان کے آئین کے تحت ہر فرد کو منصفانہ ٹرائل کا حق حاصل ہے۔ وکیل نے واضح کیا کہ بادل کو اپنے اعمال کے قانونی نتائج کا سامنا کرنا پڑے گا۔
وکیل نے بتایا کہ بادل بابو نے اسلام قبول کر لیا تھا اور مستقل طور پر پاکستان میں رہنے کا ذاتی فیصلہ کیا تھا۔ اس فیصلے کو عدالت میں تسلیم کیا گیا، اور حکام نے تصدیق کی کہ بادل کا مقدمہ اس کی قانونی حیثیت کی بنیاد پر نمٹا جا رہا ہے۔ عدالت بالآخر فیصلہ کرے گی کہ کیس کو کیسے آگے بڑھایا جائے۔
پاکستان کے فارن ایکٹ، جو غیر قانونی داخلے اور مناسب سفری دستاویزات کی کمی سے متعلق ہے۔
محبت کے فنامنا کے پرستاروں کا خیال ہے کہ محبت میں گرفتار شخص کو دنیا کی کوئی جیل قید نہیں کرسکتی، اسے کوئی سرحد روک نہیں سکتی، جو ارادہ وہ اپنے ذہن و دل میں بٹھائے گھر کی دہلیز پار کرتا ہے تو آگے چاہے کئی امتحان بھی کھڑے ہوں کتنی رکاوٹیں آئیں وہ ان سے گزرنے کیلئے اپنی پوری قوت لگا دیتا ہے، محبت کے اس کھیل میں خوش قسمتی سے اپنی منزل تک بہت کم ہی پہنچ پاتے ہیں، ان میں سے کئی باولوں کو اگر گھر کی سرحد نہ روک پائے تو اور کئی سرحدیں انہیں اپنی منزل تک نہ پہنچانے میں اپنا اپنا کردار ادا کرتی ہیں۔
لوگ تو پاس بیٹھوں کی قدر نہیں کرتے تو ایسا کیا جذبہ اور پاگل پن ہے جو یہ سرپھرے کسی سرحد تک کی پرواہ نہیں کرتے، یہ اپنے من پسند شخص کیلئے سات سمندر پار تک جانے کا حوصلہ رکھتے ہیں ۔ اب اسی بات کو قانونی نقطہ نظر سے دیکھا جائے تو بغیر اجازت کسی کے ملک میں دخل اندازی پر بڑی سزا سنادی جاتی ہے، تاہم واقع کے متعلق پوری تفتیش کرکے ہی فیصلہ سنایا جاتا ہے کہ کسی کے ساتھ ظلم اور ناانصافی نہ ہو ۔
سٹی 42 : ملک کی عالمی اور مقامی مارکیٹ میں سونے کی قیمت میں کمی ہوگئی۔
صرافہ اینڈ جیولرز ایسوسی ایشن کے مطابق مقامی مارکیٹ میں سونے کی قیمت میں 200 روپے فی تولہ کمی ہوئی جس کے بعد نرخ 2 لاکھ 89 ہزار 400 روپے پر پہنچ گئے، جبکہ دس گرام سونا 172 روپے کی کمی کے بعد 2 لاکھ 48 ہزار 113 روپے کا ہوگیا۔
دوسری جانب عالمی مارکیٹ میں بھی سونے کی قیمت میں 2 ڈالر فی اونس کی کمی ہوئی جس کے بعد نرخ 2 ہزار 770 ڈالر ہوگئے۔
January 01, 2025
January 01, 2025
ویب ڈیسک : حکومت نے مقامی و گھریلو استعمال کیلئے آنے والے سامان کی تمام بندرگاہوں اور ٹرمینلز سے آف ڈاک ٹرمینل تک نقل و حمل کیلئے ٹریکنگ و مانیٹرنگ ڈیوائس کی تنصیب کو لازمی قرار دینے کا فیصلہ کیا ہے۔
نجی ٹی وی کو دستیاب دستاویز کے مطابق فیڈرل بورڈ آف ریونیو(ایف بی آر) نے کسٹمز رولز 2001ء میں مزید ترامیم کا مسودہ متعلقہ اسٹیک ہولڈرز اور عام عوام کی آراء کیلئے جاری کردیا ہے۔
اس حوالے سے جاری کردہ نوٹی فکیشن میں اسٹیک ہولڈر سے کہا گیا ہے کہ مجوزہ مسودے پر اپنی آراء و تجاویز تین دن کے اندر اندر ایف بی آر کو بھجواسکتے ہیں مقررہ میعاد کے بعد موصول ہوئی آراء و تجاویز کو قبول نہیں کیا جائے گا اور گزٹ نوٹیفکیشن کے ذریعے ان ترمیمی رولز کا اطلاق کردیا جائے گا۔
ایف بی آر کی طرف سے جاری کردہ مجوزہ مسودے میں کسٹمز رولز 2001ء کے رول 1092 کے ذیلی رول ایک کی کلاز ڈی کے بعد نئی کلاز ڈی اے شامل کی ہے جس میں کہا گیا ہے کہ مقامی و گھریلو استعمال کے لیے آنے والے سامان کی بغیر ٹریکنگ اور مانیٹرنگ ڈیوائس نصب کیے ملک کی تمام سمندری بندرگاہوں اور ٹرمینلز سے آف ڈا ک ٹرمینلز تک نقل و حمل نہیں ہوسکے اور جو بھی سامان آئے گا اس کی آف ڈاک ٹرمینل تک ترسیل کیلئے ٹریکنگ و مانیٹرنگ ڈیوائس نصب کرنا لازمی ہوگی۔
اس بارے میں ایف بی آر حکام سے رابطہ کیا تو انہوں نے بتایا کہ اس وقت گھریلو و مقامی استعمال کے لیے آنے والے سامان کی بونڈڈ کیریئرز کے ذریعئے سمندری بندرگاہوں اور ٹرمینلز سے آف ڈاک ٹرمینلز تک نقل و حمل ہورہی ہے اور کنٹینرز میں جوسامان آتا تھا وہ مین سمندری بندرگاہوں اور ٹرمینلز سے بونڈڈ کیریئرز کے ذریعے آف ڈاک ٹرمینلز پر جاتا ہے اور وہاں کنٹینر کھلتا تھا جہاں جس جس کا سامان ہوتا وہ وہاں سے لے لیتا تھا۔
اب جو تجویز دی گئی ہے اس کے لاگو ہونے کے بعد مقامی اور گھریلو استعمال کیلئے آنے والے سامان کی بغیر ٹریکنگ اور مانیٹرنگ ڈیوائس نصب کیے ملک کی تمام سمندری بندرگاہوں اور ٹرمینلز سے آف ڈا ک ٹرمینلز تک نقل و حمل نہیں ہوسکے۔
ویب ڈیسک : پیپلز پارٹی کے چیئرمین بلاول بھٹو زرداری نے کہا ہے کہ سندھ حکومت سے کہتا ہوں نوجوانوں کے راستوں سے رکاوٹیں ہٹائیں، ان کی مدد کریں۔
مہران انجنئیرنگ یونیورسٹی جامشورو کے کانوکیشن سے خطاب کرتے ہوئے بلاول بھٹو نے کہا ہے کہ کامیاب طلبہ کو مبارکباد دیتا ہوں، کامیاب ہونے والے طلبہ کیلئے آج خوشی کا دن ہے، مجھے آپ سب پر فخر ہے۔ انہوں نے بتایا کہ ہم تیز ترین ڈیجیٹل دور میں موجود ہیں، ڈیجیٹل دور میں مس انفارمیشن کا پھیلاؤ بھی تیزی سے ہوتا ہے، دنیا میں ٹیکنالوجی تیزی سے ترقی کررہی ہے، ہمیں ترقی کیلئے جدید ٹیکنالوجی کو اپنانا ہوگا۔ بلاول بھٹو نے کہا کہ ڈیجیٹل دور میں سائبر کرائمز بڑا مسئلہ ہیں، سائبر کرائمز کے حوالے سے کردار ادا کرنا ہوگا۔
بلاول بھٹو نے کہا کہ مہران یونیورسٹی کا شمار ملک کے بہترین اداروں میں ہوتا ہے، سندھ اسمبلی میں ارکان کی اکثریت اسی یونیورسٹی سے ہے، ہمارے نوجوان بڑی کامیابی حاصل کر چکے ہیں، سندھ حکومت سے کہتا ہوں نوجوانوں کے راستوں سے رکاوٹیں ہٹائیں، ان کی مدد کریں۔ انہوں نے مزید کہا کہ جدید ٹیکنالوجی کو صرف انسانیت کی خدمت کیلئے استعمال کیا جانا چاہیے، انفرا اسٹرکچر کی ترقی میں انجینئرز کا اہم کردار ہے۔
انہوں نے کہا کہ وادی سندھ کی تاریخ ہزاروں سال پرانی ہے، ہمارے آباؤ اجداد یہاں ہزاروں سال سے آباد ہیں، سندھ خوبصورت ثقافت کی حامل دھرتی ہے ۔ ہمیں موسمیاتی تبدیلی کا چیلنج درپیش ہے۔
January 01, 2025
January 01, 2025
ویب ڈیسک: پاکستان انٹرنیشنل ایئرلائنز (پی آئی اے) کی موبائل فون اسمگلنگ میں ملوث ایئرہوسٹس پکڑی گئی۔
رپورٹ کے مطابق کسٹمز حکام نے لاہور ائیرپورٹ پر ابوظہبی سے آنے والی ائیرہوسٹس سے موبائل برآمد کرلیے۔
ذرائع کسٹمز نے کہا کہ ائیرہوسٹس عاصمہ شوکت پرواز پی کے 264 پر درجنوں قیمتی موبائل سمگلر کرکے لائی، ابوظہبی سے لاہور آنے والے ائیرہوسٹس کے سامان کو شک کی بنیاد پر چیک کیا تو موبائل برآمد ہوئے۔
ذرائع کے مطابق کسٹمز نے تمام موبائل ضبط کرکے ائیرہوسٹس کیخلاف تادیبی کارروائی شروع کردی۔
26 Jan, 2025
26 Jan, 2025
26 Jan, 2025
26 Jan, 2025
26 Jan, 2025
26 Jan, 2025
26 Jan, 2025
26 Jan, 2025
26 Jan, 2025
26 Jan, 2025
26 Jan, 2025
26 Jan, 2025
26 Jan, 2025
26 Jan, 2025
26 Jan, 2025
26 Jan, 2025
26 Jan, 2025
26 Jan, 2025
26 Jan, 2025
26 Jan, 2025
26 Jan, 2025
26 Jan, 2025
26 Jan, 2025
26 Jan, 2025
26 Jan, 2025
26 Jan, 2025
26 Jan, 2025
26 Jan, 2025
26 Jan, 2025
26 Jan, 2025
26 Jan, 2025
26 Jan, 2025
26 Jan, 2025
26 Jan, 2025
25 Jan, 2025
25 Jan, 2025
25 Jan, 2025
25 Jan, 2025
25 Jan, 2025
25 Jan, 2025
25 Jan, 2025
25 Jan, 2025
25 Jan, 2025
25 Jan, 2025
25 Jan, 2025
25 Jan, 2025
25 Jan, 2025
25 Jan, 2025
25 Jan, 2025
25 Jan, 2025