جمال الدین جمالی:جناح ہاؤس ،عسکری ٹاور جلاؤ گھیراؤ کیس میں انسداد دہشتگردی عدالت پاکستان تحریک انصاف کے رہنما اسد عمر کی عبوری ضمانت میں 9 جنوری تک توسیع کر دی۔
تفصیلات کے مطابق انسداد دہشت گردی عدالت کے جج محمدارشدجاویدنے عسکری ٹاور حملہ اور جلاؤ گھیراؤ سمیت دیگر مقدمات پر سماعت کی، عدالت نے سابق وفاقی وزیر اسد عمر کی عبوری ضمانت میں 9 جنوری تک توسیع کر دی۔
خیال رہے کہ اسد عمر نے جناح ہاؤس حملہ ٫ عسکری ٹاور حملہ کیس ٫ماڈل ٹاؤن میں مسلم لیگ ن آفس جلانے اور کلمہ چوک پر کینیٹر جلانے سمیت دیگر سات مقدمات میں عبوری ضمانت کی درخواست دائر کر رکھی ہے۔